பிக் பேஷ் லீக்கில் களமிறங்கும் முன்னாள் இங்கிலாந்து பயிற்சியாளர்!
சிட்னி தண்டர் அணியின் தலைமை பயிற்சியாளராக முன்னாள் இங்கிலாந்து பயிற்சியாளர் ட்ரெவிஸ் பேலிஸ் நியமிக்கப்பட்டுள்ளார்.
கடந்த 2019ஆம் ஆண்டு உலகக்கோப்பையை வென்ற இங்கிலாந்து அணியின் தலைமை பயிற்சியாளராக இருந்தவர் ட்ரெவர் பேலிஸ். அதன்பின் அவரது ஒப்பந்த காலம் முடிந்ததையடுத்து இங்கிலாந்து அணியின் பயிற்சியாளர் பொறுப்பிலிருந்து விலகினார்.
இந்நிலையில் 58 வயதான ட்ரெவர் பேலிஸ், பிக் பேஷ் லீக் அணியான சிட்னி தண்டர் அணியின் தலைமைப் பயிற்சியாளராக நியமிக்கப்பட்டுள்ளார். அதன்படி அடுத்த மூன்று ஆண்டுகளுக்கு அந்த அணியின் தலைமை பயிற்சியாளராக இவர் ஒப்பந்தம் செய்யப்பட்டுள்ளார்.
Trending
இதுகுறித்து பேசிய பேலிஸ், “சிட்னி தண்டர் அணியின் பயிற்சியாளராக நியமிக்கப்பட்டது மகிழ்ச்சியளிக்கிறது. கடந்த சில ஆண்டுகளில் தண்டர் அணி சிறப்பாக செயல்பட்டு வருகிறது. அதன்படி நடப்பாண்டு சீசனில் சிறப்பாக செயல்பட்டு இறுதி போட்டிக்கு முன்னேற வேண்டும் என்பதே என்னுடைய இலக்கு” என்று தெரிவித்துள்ளார்.
ஆஸ்திரேலியாவைச் சேர்ந்த ட்ரெவர் பேலிஸ், நடப்பாண்டு ஐபிஎல் தொடரில் சன்ரைசர்ஸ் ஹைதராபாத் அணியின் பயிற்சியாளராகவும் செயல்பட்டுவந்தார் என்பது குறிப்பிடத்தக்கது.
Win Big, Make Your Cricket Tales Now
Cricket Scorecard
