ENGW vs INDW, 1st ODI: இங்கிலாந்தை 227 ரன்களில் சுருட்டியது இந்தியா!

இந்திய மகளிர் அணிக்கெதிரான முதல் ஒருநாள் போட்டியில் முதலில் பேட்டிங் செய்த இங்கிலாந்து மகளிர் அணி 228 ரன்களை இலக்காக நிர்ணயித்துள்ளது.

ENGW vs INDW, 1st ODI: England fight back to post a competitive score on the board (Image Source: Google)

இங்கிலாந்தில் சுற்றுப்பயணம் மேற்கொண்டுள்ள இந்திய மகளிர் அணி 3 போட்டிகள் கொண்ட டி20 மற்றும் ஒருநாள் தொடரில் விளையாடிவருகிறது. இதில் டி20 தொடரை இங்கிலாந்து அணி 2-1 என்ற கணக்கில் கைப்பற்றியது.

இந்நிலையில் இரு அணிகளுக்கும் இடையேயான ஒருநாள் போட்டி இன்று நடைபெற்றுவருகிறது. இப்போட்டியில் டாஸ் வென்ற இந்திய மகளிர் அணி முதலில் பந்துவீசுவதாக தீர்மானித்தது.

அதன்படி களமிறங்கிய இங்கிலாந்து மகளிர் அணி டாமி பியூமண்ட் 7 ரன்களிலும், எம்மா லாம்ப் 12 ரன்களிலும், சோபியா டாங்க்லி 29, ஆலிஸ் கேப்ஸி 19 ரன்களிலும் ஆட்டமிழந்து பெவிலியனுக்கு திரும்பினர். 

பின்னர் ஜோடி சேர்ந்த டேனியல் வையட் - ஆலிஸ் டேவிட்சன் ரிச்சர்ட்ஸ் இணை சிறப்பான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர். இதில் வையட் 43 ரன்களில் ஆட்டமிழக்க, மறுமுனையிலிருந்த ஆலிஸ் கேப்ஸி அரைசதம் கடந்து அசத்தினார். 

இதனால் 50 ஓவர்கள் முடிவில் இங்கிலாந்து மகளிர் அணி 7 விக்கெட்டுகளை இழந்து 227 ரன்களைச் சேர்த்துள்ளது. இந்திய அணி தரப்பில் தீப்தி சர்மா 2 விக்கெட்டுகளைக் கைப்பற்றினார்.

Win Big, Make Your Cricket Tales Now