ENGW vs NZW : மார்டின், செட்டர்வைட் அதிரடி; இங்கிலாந்துக்கு 245 ரன்கள் இலக்கு!

இங்கிலாந்து மகளிர் அணிக்கெதிரான 4ஆவது ஒருநாள் போட்டியில் முதலில் பேட்டிங் செய்த நியூசிலாந்து மகளிர் அணி 245 ரன்களை இலக்காக நிர்ணயித்துள்ளது.

நியூசிலாந்து மகளிர் அணி இங்கிலாந்தில் சுற்றுப்பயணம் செய்து 5 போட்டிகள் கொண்ட ஒருநாள் தொடரில் விளையாடி வருகிறது. இதில் இன்று நடைபெற்றுவரும் 4ஆவது போட்டியில் டாஸ் வென்ற இங்கிலாந்து மகளிர் அணி முதலில் பந்துவீச தீர்மானித்தது. 

அதன்படி களமிறங்கிய நியூசிலாந்து அணி வீராங்கனைகள் சூஸி பேட்ஸ் 17, லாரன் டன் 11, மேடி கிரீன் 0 என அடுத்தடுத்து ஆட்டமிழந்து ஏமாற்றமளித்தனர். 

பின்னர் ஜோடி சேர்ந்த செட்டர்வைட் - சோபி டிவைன் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தியது. இதில் சோபி டிவைன் 41 ரன்களில் ஆட்டமிழக்க, மறுமுனையில் செட்டர்வைட் அரைசதம் அடித்த கையோடு பெவிலியன் திரும்பினார். 

இறுதியில் கேட்டி மார்ட்டின் இறுதிவரை ஆட்டமிழக்காமல் 65 ரன்களைச் சேர்த்து அசத்தினார். இதன் மூலம் 50 ஓவர்கள் முடிவில் நியூசிலாந்து அணி 8 விக்கெட்டுகளை இழந்து 244 ரன்களைச் சேர்த்தது. இங்கிலாந்து அணி தரப்பில் சார்லெட் டீன் 3 விக்கெட்டுகளைக் கைப்பற்றினார். 

Win Big, Make Your Cricket Tales Now