முதல் மூன்று போட்டியிலும் படுதோல்வியை சந்தித்த ஜடேஜா தலைமையிலான சென்னை சூப்பர் கிங்ஸ் அணி, நடப்பு தொடரின் 17வது லீக் போட்டியில் கேன் வில்லியம்சன் தலைமையிலான சன் ரைசர்ஸ் ஹைதராபாத் அணியை எதிர்கொண்டது.
மும்பை பட்டீல் மைதானத்தில் நடைபெற்ற இந்த போட்டியில் டாஸ் வென்ற ஹைதராபாத் அணி முதலில் பந்துவீச்சை தேர்வு செய்ததை தொடர்ந்து, முதலில் பேட்டிங் செய்த சென்னை அணி 20 ஓவர்கள் முடிவில் 7 விக்கெட் இழப்பிற்கு 154 ரன்கள் எடுத்தது. சென்னை அணியில் அதிகபட்சமாக மொய்ன் அலி 48 ரன்கள் எடுத்து கொடுத்தார்.
இதனையடுத்து 155 ரன்கள் எடுத்தால் வெற்றி என்ற எளிய இலக்கை துரத்தி களமிறங்கிய ஹைதராபாத் அணிக்கு அந்த அணியின் துவக்க வீரரான அபிஷேக் சர்மா 75 ரன்களும், ராகுல் த்ரிபாட்டி 39 ரன்களும் எடுத்து கொடுத்ததன் மூலம் 17.4 ஓவரிலேயே இலக்கை மிக இலகுவாக எட்டிய ஹைதராபாத் அணி, சென்னை அணியை 7 விக்கெட் வித்தியாசத்தில் வீழ்த்தியது.
