குஜராஜ் டைட்டன்ஸ் vs ராஜஸ்தான் ராயல்ஸ் - அணிகள் ஓர் அலசல்!

ஐபிஎல் தொடரில் இன்று நடைபெறும் லீக் போட்டியில் குஜராத் டைட்டன்ஸ் மற்றும் ராஜஸ்தான் ராயல்ஸ் அணிகள் பலப்பரீட்சை நடத்தவுள்ளன.

குஜராஜ் டைட்டன்ஸ் vs ராஜஸ்தான் ராயல்ஸ் - அணிகள் ஓர் அலசல்! (Image Source: Google)

ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 23ஆவது லீக் போட்டியில் ஷுப்மன் கில் தலைமையிலான குஜராத் டைட்டன்ஸ் மற்றும் சஞ்சு சாம்சன் தலைமையிலான ராஜஸ்தான் ராயல்ஸ் அணிகள் பலப்பரீட்சை நடத்தவுள்ளன

இவ்விரு அணிகளுக்கும் இடையேயான இப்போட்டியானது அஹ்மதாபாத்தில் உள்ள நரேந்திர மோடி கிரிக்கெட் மைதானத்தில் நடைபெறவுள்ளது. இதில் இரு அணிகளும் அடுத்தடுத்து வெற்றிகளைப் பதிவுசெய்த கையோடு இப்போட்டியை எதிர்கொள்வதால், இதில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம். 

குஜராத் டைட்டன்ஸ்

ஷுப்மன் கில் தலைமையிலான குஜராத் டைட்டன்ஸ் அணி நடப்பு ஐபிஎல் தொடரில் அடுத்தடுத்து வெற்றிகளைப் பதிவுசெய்து அசத்தியுள்ளது. அந்த அணியின் பேட்டிங்கைப் பொறுத்தவரையில் ஜோஸ் பட்லர், சாய் சுதர்ஷன், ஷெர்ஃபேன் ரூதர்ஃபோர்ட் உள்ளிட்டோர் பாரமான ஃபார்மில் உள்ளனர். அவர்களுடன், ஷாரூக் கான், ராகுல் திவேத்தியா, கிளென் பிலீப்ஸ், மஹிபால் லாம்ரோர் உள்ளிட்டோரும் இருப்பது அணிக்கு மிக்கப்பெரும் பலமாக பார்க்கப்படுகிறது. 

பந்துவீச்சைப் பொறுத்தவரையில் வேகப்பந்து வீச்சில் முகமது சிராஜ், காகியோ ரபாடா ஆகியோரும், சுழற்பந்துவீச்சில் ரஷித் கான், சாய் கிஷோர் ஆகியோரும் அபாரமான பந்துவீச்சை வெளிப்படுத்தி வருகிறனர். அவர்களுடன் பிரஷித் கிருஷ்ணா, அர்ஷத் கான் உள்ளிட்டோரும் சோபிக்கும் பட்சத்தில் எதிரணி பேட்டர்களுக்கு அது நிச்சயம் தலைவலியாக அமையும் என்பதில் சந்தேகமில்லை என்பது குறிப்பிடத்தக்கது. 

குஜராத் டைட்டன்ஸ் உத்தேச லெவன்: சாய் சுதர்ஷன், ஷுப்மான் கில் (கேப்டன்), ஜோஸ் பட்லர், ஷெர்பேன் ரூதர்ஃபோர்ட், ஷாருக் கான், ராகுல் திவேத்தியா, அர்ஷத் கான், ரஷித் கான், சாய் கிஷோர், முகமது சிராஜ், பிரசித் கிருஷ்ணா.

ராஜஸ்தான் ராயல்ஸ்

மறுபக்கம் ராஜஸ்தான் ராயல்ஸ் அணியும் அடுத்தடுத்த வெற்றிகளைப் பதிவுசெய்த கையோடு இப்போட்டியை எதிர்கொள்ளவுள்ளது. குறிப்பாக சஞ்சு சாம்சன் அணியின் கேப்டனாக பொறுபேற்றபின் அணியின் செயல்பாடுகளும் சிறப்பாக உள்ளது. அணியின் பேட்டிங்கில் சஞ்சு சாம்சன், துருவ் ஜூரெல், ரியான் பராக், ஷிம்ரான் ஹெட்மையர் ஆகியோருடன் யஷஸ்வி ஜெய்ஸ்வாலும் ஃபார்முக்கு திரும்பியுள்ளது அணிக்கு கூடுதல் உத்வேகத்தை வழங்கியுள்ளது. 

பந்துவீச்சை பொறுத்தமட்டில் ஜோஃப்ரா ஆர்ச்சர், வநிந்து ஹசரங்கா ஆகியோர் சிறப்பாக கடந்த இரண்டு போட்டிகளாக சிறப்பாக செயல்பட்டு எதிரணி பேட்டர்களை அழுத்தத்தில் வைத்துள்ளனர். அவர்களுடன் மஹீஷ் தீக்ஷ்னா, சந்தீப் சர்மா, துஷார் தேஷ்பாண்டே உள்ளிட்டோர் சிறப்பாக செயல்படும் பட்சத்தில் நிச்சயம் அந்த அணியின் வெற்றியை தடுத்து நிறுத்துவது அவ்வளவு எளிதல்லை. இதனால் அந்த அணி மீதான எதிர்பார்ப்புகள் அதிகரித்துள்ளன.

ராஜஸ்தான் ராயல்ஸ் உத்தேச லெவன்: யாஷஸ்வி ஜெய்ஸ்வால், சஞ்சு சாம்சன் (கேப்டன்), நிதிஷ் ராணா, ரியான் பராக், துருவ் ஜூரல், வனிந்து ஹசரங்க, ஷிம்ரோன் ஹெட்மியர், ஜோஃப்ரா ஆர்ச்சர், மகேஷ் தீக்ஷனா, துஷார் தேஷ்பாண்டே, சந்தீப் சர்மா. இம்பாக்ட் பிளேயர் - குமார் கார்த்திகேயா.

நேருக்கு நேர்

• மோதிய போட்டிகள் - 06
• குஜராத் டைட்டன்ஸ் – 05
• ராஜஸ்தான் ராயல்ஸ் - 01

ஃபேண்டஸி லெவன் டிப்ஸ்

• விக்கெட் கீப்பர் - ஜோஸ் பட்லர், சஞ்சு சாம்சன் (கேப்டன்)
• பேட்ஸ்மேன்கள் - ஷுப்மான் கில், ஷெர்பேன் ரூதர்ஃபோர்ட், யஷஸ்வி ஜெய்ஸ்வால், சாய் சுதர்ஷன் (துணைக்கேப்டன்)
• ஆல்-ரவுண்டர்கள் - வனிந்து ஹசரங்க, ரியான் பராக்
• பந்துவீச்சாளர்கள் - முகமது சிராஜ், ஜோஃப்ரா ஆர்ச்சர், சாய் கிஷோர்.

Win Big, Make Your Cricket Tales Now