ஆஷஸ் தொடர்: ஹாபர்ட்டில் ஐந்தாவது டெஸ்ட் !

ஆஷஸ் தொடரின் ஐந்தாவது டெஸ்ட் போட்டி ஹாபர்ட்டில் உள்ள பெல்லரிவ் ஓவல் மைதானத்தில் நடைபெறும் என தகவல் வெளியாகியுள்ளது.

ஆஸ்திரேலியா - இங்கிலாந்து அணிகளுக்கு இடையேயான பாரம்பரியமிக்க ஆஷஸ் டெஸ்ட் தொடர் ஆஸ்திரேலியாவில் நடைபெற்று வருகிறது. மொத்தம் ஐந்து போட்டிகள் கொண்ட இத்தொடரில் வெற்றிபெற இரு அணிகளும் தீவிர பயிற்சியில் ஈடுபட்டு வருகின்றன. 

இந்நிலையில் இரு அணிகளுக்கும் இடையேயான ஐந்தாவது டெஸ்ட் போட்டி பெர்த்தில் ஜனவரி 14ஆம் தேதி நடைபெறுவதாக இருந்தது.

ஆனால் கரோனா பரவல் அச்சுறுத்தலினால் வெஸ்டர்ன் ஆஸ்திரேலிய அரசாங்கம் தீவிர நெறிமுறைகளை அமல்படுத்தியது. இதனால் ஐந்தாவது டெஸ்ட் போட்டி நடைபெறுவதில் சிக்கல் ஏற்பட்டத்தை அடுத்து, பெர்த் டெஸ்ட் போட்டி வேறு மைதானத்திற்கு மாற்றப்படும் என அதிகாரப்பூர்வமாக அறிவிக்கப்பட்டது. 

இந்நிலையில் ஆஷஸ் டெஸ்ட் தொடரின் ஐந்தாவது போட்டி ஹாபர்ட்டில் உள்ள பெல்லரிவ் ஓவல் மைதானத்தில் நடைபெறும் என கிரிக்கெட் ஆஸ்திரேலியா அறிவித்துள்ளது. 

மேலும் 2016ஆம் ஆண்டிற்கு பிறகு ஹாபர்ட்டில் நடைபெறும் முதல் டெஸ்ட் போட்டி இது என்பதால், இப்போட்டியின் மீதான எதிர்பார்ப்புகளும் அதிகரித்துள்ளது.

Win Big, Make Your Cricket Tales Now