தோனி தன்னை பாராட்டியதில் ஆச்சரியமில்லை - சாய் கிஷோர்!

குஜராத் டைட்டன்ஸ் அணியின் இடக்கை சுழல் பந்து வீச்சாளர் சாய் கிஷோர் சிஎஸ்கே கேப்டன் தோனியின் பாராட்டு எனக்கு ஆச்சர்யமாக இல்லை எனக் கூறியுள்ளார்.

I Wasn't Surprised When MSD Praised My Bowling, Says GT Bowler Sai Kishore (Image Source: Google)

நடப்பாண்டு ஐபிஎல் தொடரில் கலக்கி வரும் இளம் வீரர்களில் தமிழகத்தைச் சேர்ந்த சாய் கிஷோரும் ஒருவர். 25 வயது சாய் கிஷோர் சென்னை சூப்பர் கிங்ஸ் அணிக்கு 2 வருடம் நெட் பவுலராக இருந்தவர். இந்த முறை குஜராத் அணி 3 கோடிக்கு அவரை ஏலத்தில் எடுத்தது. 

இந்த வருட ஐபிஎல் போட்டியில் 3 ஆட்டங்களில் 10 ஓவர்கள் வீசி 3 விக்கெட்டுகளை எடுத்துள்ளார். இரு ஆட்டங்களில் அவர் பந்துவீச்சில் ஒரு பவுண்டரியும் ஒரு சிக்ஸரும் அடிக்கப்படவில்லை. சிஎஸ்கேவுக்கு எதிராக மட்டும் 1 சிக்ஸர், 3 பவுண்டரிகளைக் கொடுத்தார். 3 ஆட்டங்களில் எகானமி - 5.80 

இந்நிலையில் சிஎஸ்கே கேப்டன் தோனியின் பாராட்டு எனக்கு ஆச்சர்யமாக இல்லை என சாய் கிஷோர் கூறியுள்ளார்.  

தோனி உங்களது பந்து வீச்சைக் குறித்து பாராட்டியது எப்படி இருந்தது என கேள்வி கேட்ட போது, “ உண்மையில் எனக்கு பெரிதாக ஆச்சர்யமில்லை. எனக்கு எனது பந்து வீசும் திறன் பற்றித் தெரியும். நான் சிஎஸ்கேவுக்கு விளயாடினாலும் விளையாடவிட்டாலும் எனக்கு என் மீதான சந்தேகம் இருந்ததில்லை. உள்ளூர் போட்டிகளில் 40-45 போட்டிகள் விளையாடி இருக்கிறேன். 

அதனால் எனக்கு அனுபவம் இருக்கிறது. சிஎஸ்கேவில் ஜடேஜா இருப்பதால் எனக்கு வாய்ப்பு கிடைக்கவில்லை. ஆனால் அதற்காக வருந்தியதில்லை. உள்ளூர் போட்டிகளில் நன்றாகவே விளையாடி வருகிறேன்” என கூறினார். 

Win Big, Make Your Cricket Tales Now