ஐசிசி உலகக்கோப்பை 2023: ஹிரிடோய் அரைசதம்; ஆஸ்திரேலியாவுக்கு 307 இலக்கு!

ஆஸ்திரேலிய அணிக்கெதிரான உலகக்கோப்பை லீக் போட்டியில் முதலில் பேட்டிங் செய்த ஆஃப்கானிஸ்தான் அணி 307 ரன்களை இலக்காக நிர்ணயித்துள்ளது.

ஐசிசி உலகக்கோப்பை 2023: ஹிரிடோய் அரைசதம்; ஆஸ்திரேலியாவுக்கு 307 இலக்கு! (Image Source: Google)

ஐசிசி ஒருநாள் உலகக்கோப்பை கிரிக்கெட் தொடரின் லீக் போட்டிகள் இறுதிக்கட்டத்தை எட்டியுள்ளது. இதில் இன்று நடைபெற்ற 43ஆவது லீக் ஆட்டத்தில் வங்கதேசம் மற்றும் ஆஸ்திரேலிய அணிகள் பலப்பரீட்சை நடத்தின. அதன்படி புனேவில் உள்ள மகாராஷ்டிராக கிரிக்கெட் சங்க மைதானத்தில் நடைபெற்ற இப்போட்டியில் டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்தது. 

அதன்படி களமிறங்கிய வங்கதேச அணிக்கு லிட்டன் தாஸ் - தன்ஸித் ஹசன் இணை சிறப்பான ஆட்டத்தை வெளிப்படுத்தி அணிக்கு அடித்தளம் அமைத்துக் கொடுத்தனர். இதில் இருவரும் அரைசதம் அடிப்பார்கள் என எதிர்பார்க்கப்பட்ட நிலையில் இருவரும் தலா 36 ரன்கள் எடுத்து விக்கெட்டை இழந்தனர். அதன்பின் இணைந்த நஜ்முல் ஹொசைன் சாண்டோ - தாஹித் ஹிரிடோய் இணை பொறுப்பான ஆட்டத்தை வெளிப்படுத்தினர். 

பின் நஹ்முல் 45 ரன்களுக்கு ஆட்டமிழக்க, மறுபக்கம் சிறப்பாக விளையாடிய தாஹித் ஹிரிடோய் அரைசதம் கடந்தார். அதன்பின் களமிறங்கிய மஹ்முதுல்லா 32 ரன்களுக்கும், முஷ்பிக்கூர் ரஹிம் 21 ரன்களுக்கும் ஆட்டமிழந்து பெவிலியன் திரும்ப, மறுமுனையில் அரைசதம் கடந்து விளையாடி வந்த தாஹித் ஹிரிடோய் 5 பவுண்டரி, 2 சிக்சர்கள் என 74 ரன்களைச் சேர்த்து ஆட்டமிழந்தார். 

அதன்பின் இறுதியில் அதிரடியாக விளையாடிய மெஹதி ஹசன் மிராஸ் 29 ரன்களுக்கு ஆட்டமிழக்க, வங்கதேச அணி 50 ஓவர்கள் முடிவில் 8 விக்கெட்டுகளை இழந்து 306 ரன்களைச் சேர்த்துள்ளது. ஆஸ்திரேலிய அணியில் ஆடம் ஸாம்பா, சீன் அபேட் தலா 2 விக்கெட்டுகளையும் கைப்பற்றினர். 

 

Win Big, Make Your Cricket Tales Now