அண்டர் 19 உலகக்கோப்பை: கனடாவை வீழ்த்தி இங்கிலாந்து அபார வெற்றி!

அண்டர் 19 உலகக்கோப்பை: கனடா அணிக்கெதிரான லீக் ஆட்டத்தில் இங்கிலாந்து அணி 106 ரன்கள் வித்தியாசத்தில் வெற்றிபெற்று அசத்தியது.

அண்டர் 19 உலகக்கோப்பை தொடரில் நேற்று நடைபெற்ற குரூப் ஏ அணிகளுக்கு இடையேயான லீக் ஆட்டத்தில் இங்கிலாந்து - கனடா அணிகள் மோதின.

இப்போட்டியில் முதலில் பேட்டிங் செய்த இங்கிலாந்து அணி கேப்டன் டாம் பிரஸ்ட், ஜார்ஜ் பெல் ஆகியோரது அபாரமான ஆட்டத்தின் மூலம் 50 ஓவர்கள் முடிவில் 7 விக்கெட்டுகளை இழந்து 320 ரன்களைச் சேர்த்தது. 

இதில் அதிகபட்சமாக கேப்டன் டாம் பிரஸ்ட் 93 ரன்களையும், ஜார்ஜ் பெல் 57 ரன்களையும் சேர்த்தனர். கனடா அணி தரப்பில் கைரவ் சர்மா 3 விக்கெட்டுகளைக் கைப்பற்றினார். 

அதன்பின் கடின இலக்கை துரத்திய கனடா அணி வீரர் ஆரம்பம் முதலே சீரான இடைவேளையில் விக்கெட்டுகளை இழந்து தடுமாறினர். 

இதனால் 48.1 ஓவர்களிலேயே அந்த அணி அனைத்து விக்கெட்டுகளையும் இழந்து 214 ரன்களை மட்டுமே சேர்த்தது. இதன்மூலம் இங்கிலாந்து அணி 106 ரன்கள் வித்தியாசத்தில் அபார வெற்றியைப் பதிவு செய்தது.