அண்டர் 19 உலகக்கோப்பை: வங்கதேசத்தை பந்தாடி அரையிறுதியில் நுழைந்தது இந்தியா!
அண்டர் 19 உலக கோப்பை தொடரில் வங்கதேசத்துக்கு எதிரான காலிறுதியில் இந்தியா அணி 5 விக்கெட் வித்தியாசத்தில் வெற்றிபெற்று காலிறுதிச் சுற்றுக்கு முன்னேறியது.
அதன்படி, முதலில் பேட் செய்த வங்காளதேச அணி 37.1 ஓவர்களில் 111 ரன்னுக்கு ஆல் அவுட்டானது. மெஹரோப் அதிகமாக 30 ரன்கள் எடுத்தார். இந்தியா சார்பில் ரவிகுமார் 3 விக்கெட்டும், விக்கி ஓஸ்ட்வல் 2 விக்கெட்டும் வீழ்த்தினர்.
Trending
இதையடுத்து, 112 ரன்கள் எடுத்தால் வெற்றி என்ற எளிய இலக்குடன் இந்தியா களமிறங்கியது.தொடக்க ஆட்டக்காரர் ஹர்னூர் சிங் டக் அவுட்டாகி அதிர்ச்சி அளித்தார்.
மற்றொரு தொடக்க ஆட்டக்காரர் ரகுவன்ஷி பொறுப்புடன் விளையாடி 44 ரன்னில் ஆட்டமிழந்தார். ஷேக் ரஷீத் 26 ரன்னில் அவுட்டானார்.
இறுதியில், கேப்டன் யாஷ் துல் பொறுப்புடன் விளையாடி அணியை வெற்றிக்கு அழைத்துச் சென்றார். இதன்மூலம் இந்தியா 5 விக்கெட் வித்தியாசத்தில் வெற்றி பெற்று அரையிறுதிக்கு முன்னேறியது.
Win Big, Make Your Cricket Tales Now
