ஐக்கிய அரபு அமீரகத்தில் நடைபெற்றுவரும் ஐஎல்டி20 தொடரின் முதல் சீசன் விறுவிறுப்பாக நடைபெற்றுவருகிறது. இதில் இன்று நடைபெற்றுவரும் 20ஆவது லீக் ஆட்டத்தில் துபாய் கேப்பிட்டல்ஸ் - டெஸர்ட் வைப்பர்ஸ் அணிகள் பலப்பரீட்சை நடத்தி வருகின்றன. துபாயில் நடைபெற்றுவரும் இப்போட்டியில் டாஸ் வென்ற கேப்பிட்டல்ஸ் அணி முதலில் பந்துவீச தீர்மானித்தது.
அதன்படி களமிறங்கிய டெஸர்ட் வைப்பர்ஸ் அணியில் ரோஹன் முஸ்தஃபா, அலெக்ஸ் ஹேல்ஸ் ஆகியோர் சொற்ப ரன்களுக்கு விக்கெட்டை இழந்து பெவிலியன் திரும்பினார். இதையடுத்து களமிறங்கிய காலின் முன்ரோ - சாம் பில்லிங்ஸ் ஆகியோர் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர்.
தொடர்ந்து அதிரடியாக விளையாடிய முன்ரோ 32 பந்துகளில் 40 ரன்களைச் சேர்த்து ஆட்டமிழக்க, சாம் பில்லிங்ஸ் 25 ரன்களுக்கு ஆட்டமிழந்து பெவிலியனுக்கு நடையைக் கட்டினார். இதனையடுத்து வந்த வநிந்து ஹசரங்காவும் 9 ரன்களில் ஆட்டமிழந்து ஏமாற்றமளித்தார்.
