ஐக்கிய அரபு அமீரகத்தில் நடைபெற்றுவரும் ஐஎல்டி20 லீக் தொடர் விறுவிறுப்பான கட்டத்தை எட்டியுள்ளது. இதில் நேற்று நடைபெற்ற 21ஆவது லீக் ஆட்டத்தில் எம்ஐ எமீரேட்ஸ் - டெஸர்ட் வைப்பர்ஸ் அணிகள் பலப்பரீட்சை நடத்தின. இதில் டாஸ் வென்ற டெஸர்ட் வைப்பர்ஸ் அணி முதலில் பந்துவீச தீர்மானித்தது.
இதையடுத்து களமிறங்கிய எம்ஐ எமிரேட்ஸ் அணிக்கு முகமது வசீம் - ஆண்ட்ரே ஃபிளெட்சர் இணை அபாரமான தொடக்கத்தைக் கொடுத்தனர். தொடர்ந்து அதிரடியாக விளையாடிய இருவரும் அரைசதம் கடக்க அணியின் ஸ்கோரும் மளமளவென உயர்ந்தது. பின் அரைசதம் அடித்த கையோடு ஃபிளெட்சர் ஆட்டமிழந்து பெவிலியனுக்கு திரும்பினார்.
இதைத்தொடர்ந்து 86 ரன்கள் எடுத்திருந்த முகமது வாசீமும் தனது விக்கெட்டை இழந்தார். இதையடுத்து களமிறங்கிய கேப்டன் பொல்லார்ட் அதிரடியாக விளையாடிய பொல்லார்ட் 19 பந்துகளில் 4 சிக்சர், 4 பவுண்டரிகள் என அரைசதம் கடந்து அசத்தினார். இதன்மூலம் 20 ஓவர்கள் முடுவில் எம்ஐ எமிரேட்ஸ் அணி 3 விக்கெட் இழப்பிற்கு 241 ரன்களைச் சேர்த்தது.
