IND vs SA: Wasim Jaffer Picks India’s Playing XI For The First Test Against South Africa (Image Source: Google)
இந்திய அணி இதுவரை ஏழு முறை தென் ஆப்பிரிக்கா நாட்டிற்கு சுற்றுப்பயணம் மேற்கொண்டு டெஸ்ட் தொடரில் விளையாடி உள்ளது. இந்த ஏழு தொடரில் ஒரு முறை கூட நம்மால் அங்கு டெஸ்ட் தொடரை கைப்பற்ற முடியவில்லை. ஆறு முறை தென்ஆப்பிரிக்கா அணியும், ஒரு முறை தொடரானது சமநிலையிலும் முடிந்துள்ளது.
இந்நிலையில் இம்முறை நடைபெறவுள்ள இந்த மூன்று போட்டிகள் கொண்ட டெஸ்ட் தொடரை இந்திய அணி கைப்பற்றி முதல்முறையாக தென் ஆப்பிரிக்க மண்ணில் டெஸ்ட் தொடரை கைப்பற்ற வேண்டும் என்பதே அனைவரது எதிர்பார்ப்பாகவும் உள்ளது.
இந்த தொடர் குறித்து பல்வேறு முன்னாள் வீரர்களும் தங்களது கருத்துக்களை பகிர்ந்து வர தற்போது இந்திய அணியின் முன்னாள் வீரர் வாசிம் ஜாஃபர் தென் ஆப்பிரிக்க மண்ணில் இந்திய அணி எவ்வாறு செயல்பட வேண்டும் என்பது குறித்தும், தன்னுடைய பிளேயிங் லெவனையும் அறிவித்துள்ளார்.
