IND vs WI, 2nd T20I: விண்டீஸை வீழ்த்தி தொடரை வென்றது இந்தியா!
வெஸ்ட் இண்டீஸுக்கு எதிரான இரண்டாவது டி20 போட்டியில் இந்திய அணி 8 ரன்கள் வித்தியாசத்தில் வெற்றிபெற்று, டி20 தொடரில் 2-0 என்ற கணக்கில் முன்னிலைப் பெற்றுள்ளது.
அதன்படி முதலில் பேட்டிங் செய்த இந்திய அணியில் விராட் கோலி, ரிஷப் பந்த் ஆகியோரின் அரைசதத்தினால் 20 ஓவர்கள் முடிவில் 5 விக்கெட் இழப்பிற்கு 186 ரன்களைச் சேர்த்தது.
Trending
இந்திய அணி தரப்பில் அதிகபட்சமாக விராட் கோலி, ரிஷப் பந்த் தலா 52 ரன்களைச் சேர்த்தனர். வெஸ்ட் இண்டீஸ் அணி தரப்பில் ரோஸ்டன் சேஸ் 3 விக்கெட்டுகளைக் கைப்பற்றினார்.
இதையடுத்து இலக்கை துரத்திய வெஸ்ட் இண்டீஸ் அணியில் கைல் மேயர்ஸ் 9 ரன்களிலும், பிராண்டன் கிங் 22 ரன்களிலும் விக்கெட்டை இழந்தனர்.
அதன்பின் ஜோடி சேர்ந்த நிக்கோலஸ் பூரன் - ரோவ்மன் பாவல் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர்.
தொடர்ந்து அதிரடியான ஆட்டத்தை வெளிப்படுத்திய இருவரும் அரைசதம் கடந்து அணியை வெற்றியை நோக்கி அழைத்துச் சென்றனர். அதன்பின் 62 ரன்கள் எடுத்திருந்த நிலையில் நிக்கோலஸ் பூரன் ஆட்டமிழந்தார்.
இதனால் ஆட்டத்தில் பரப்பரப்பு தொற்றிக்கொண்டது. இதனால் கடைசி ஓவரில் வெஸ்ட் இண்டீஸ் அணி வெற்றிபெற 25 ரன்கள் தேவை என்ற நிலை ஏற்பட்டது.
இந்திய அணி தரப்பில் கடைசி ஓவரை ஹர்ஷல் படேல் வீச, அதனை எதிர்கொண்ட ரோவ்மன் பாவல் அடுத்தடுத்து இரண்டு சிக்சர்களை பறக்கவிட்ட ரசிகர்களை இருக்கையின் நுனிக்கு வரவழைத்தார்.
இருப்பினும் ஹர்ஷல் படேல் சிறப்பாக பந்துவீசி போட்டியை கட்டுக்குள் கொண்டுவந்தார். இதனால் 20 ஓவர்கள் முடிவில் வெஸ்ட் இண்டீஸ் அணியால் 178 ரன்களை மட்டுமே எடுக்கமுடிந்தது.
இதன்மூலம் இந்திய அணி 8 ரன்கள் வித்தியாசத்தில் வெஸ்ட் இண்டீஸை வீழ்த்தியதுடன், டி20 தொடரை 2-0 என்ற கணக்கிலும் கைப்பற்றியது.
Win Big, Make Your Cricket Tales Now
