மகளிர் உலகக்கோப்பை: வரலாற்று சாதனை நிகழ்த்திய ஜூலன் கோஸ்வாமி!
இங்கிலாந்துக்கு எதிராக தொடக்க வீராங்கனை டேமி பியூமோன்ட் விக்கெட்டை வீழ்த்தியதன் மூலம் இந்தியாவின் வேகப்பந்து வீச்சு வீராங்கனை ஜுலான் கோஸ்வாமி சாதனைப் படைத்துள்ளார்.
நியூசிலாந்தில் நடைபெற்றுவரும் மகளிர் 50 ஓவர் உலக கோப்பை கிரிக்கெட் தொடர் நடைபெற்று வருகிறது. இந்திய அணி இன்று தனது 4-வது லீக்கில் இங்கிலாந்தை எதிர்கொண்டது. முதலில் விளையாடிய இந்தியா 134 ரன்னில் சுருண்டது. பின்னர் இங்கிலாந்து அணி 6 விக்கெட்டுகளை மட்டுமே இழந்து இலக்கை எட்டி 4 விக்கெட் வித்தியாசத்தில் இந்தியாவை வீழ்த்தியது.
இந்தியா தோல்வியடைந்தாலும் அனுபவ வேகப்பந்து வீச்சு வீராங்கனை ஜுலான் கோஸ்வாமி ஒருநாள் கிரிக்கெட்டில் 250 விக்கெட்டுகளை கைப்பற்றிய முதல் வீராங்கனை என்ற சாதனையை படைத்தார். இங்கிலாந்து தொடக்க வீராங்கனை டேமி பியூமோன்ட் விக்கெட்டை வீழ்த்தி 250-ஐ தொட்டார்.
Trending
கோஸ்வாமிக்கு அடுத்தப்படியாக ஆஸ்திரேலியாவின் பிட்ஸ்பாட்ரிக், வெஸ்ட் இண்டீஸின் அனிசா முகமது ஆகியோர் தலா 180 விக்கெட்டுகள் வீழ்த்தி அடுத்த இடத்தில் உள்ளனர்.
கடந்த போட்டியில் வெஸ்ட் இண்டீஸ் அணியை இந்திய 155 ரன்கள் வித்தியாசத்தில் வீழ்த்தியிருந்தது. இந்த போட்டியில் கோஸ்வாமி 2 விக்கெட் வீழ்த்தியிருந்தார். அதன்மூலம் உலக கோப்பையில் 40 விக்கெட்டுகளை கைப்பற்றி, உலக கோப்பையில் இதற்கு முன் 39 விக்கெட் வீழ்த்தி அதிக விக்கெட் வீழ்த்திய வீராங்கனை என்ற சாதனையை படைத்திருந்த லின் புல்ஸ்டோன் சாதனையை முறியடித்திருந்தார் என்பது குறிப்பிடத்தக்கது.
Win Big, Make Your Cricket Tales Now
