யு 19 ஆசிய கோப்பை: யூஏஇ-யை வீழ்த்தியது இந்தியா!
யுஏஇ அண்டர் 19 அணிக்கெதிரான ஆசிய கோப்பை தொடரில் இந்திய அண்டர் 19 அணி 154 ரன்கள் வித்தியாசத்தில் இமாலய வெற்றியைப் பதிவுசெய்தது.
இதில் முதலில் பேட்டிங் செய்த இந்திய அணியின் தொடக்க வீரர் ஹர்னூர் சிங் ஆரம்பம் முதலே அதிரடியாக விளையாடி சதமடித்தார். அவருக்கு துணையாக கேப்டன் யாஷ் துல் அரைசதம் விளாசினார்.
Trending
இதன் மூலம் 50 ஓவர்கள் முடிவில் இந்திய அணி 5 விக்கெட் இழப்பிற்கு 282 ரன்களைச் சேர்த்தது. இதில் அதிகபட்சமாக ஹர்னூர் சிங் 120 ரன்களையும், யாஷ் துல் 63 ரன்களையும் சேர்த்தனர்.
இதையடுத்து கடின இலக்கை துரத்திய யுஏஇ அணி வீரர்கள் சீரான இடைவேளையில் விக்கெட்டுகளை இழந்து தடுமாறினார். இதனால் 34.3 ஓவர்களில் அந்த அணி அனைத்து விக்கெட்டுகளை இழந்து 128 ரன்களை மட்டுமே எடுத்தது.
இந்திய அணி தரப்பில் ராஜ்வர்தன் 3 விக்கெட்டுகளைக் கைப்பற்றினார். இதன்மூலம் இந்திய அண்டர் 19 அணி 154 ரன்கள் வித்தியாசத்தில் யுஏஇ அண்டர் 19 அணியை வீழ்த்தி இமாலய வெற்றியைப் பதிவுசெய்தது.
Win Big, Make Your Cricket Tales Now
