‘நினைவில் கொள்ள வேண்டிய நாள்’ - யோகி பாபு உடனான சந்திப்பு குறித்து நடராஜன்!

இந்திய கிரிக்கெட் வீரர் நடராஜன் தனது நண்பரும், நடிகருமான யோகி பாபுவை இன்று நேரில் சந்தித்து உரையாடிய புகைப்படங்கள் சமூக வலைதளங்களில் வைரலாகி வருகிறது.

Indian Cricketer Natarajan meets South Indian actor Yogibabu (Image Source: Google)

கடந்த வருடம் நடைபெற்ற ஆஸ்திரேலிய அணிக்கெதிரான தொடரில் டெஸ்ட், ஒருநாள், டி20 தொடர்களில் இந்திய அணிக்காக அறிமுகமானார் தமிழ்நாட்டைச் சேர்ந்த நடராஜன். இவர் ஐபிஎல் போட்டியில் சன்ரைசர்ஸ் ஹைதராபாத் அணிக்காக விளையாடி வருகிறார். 

இந்நிலையில் முழங்காலில் ஏற்பட்ட காயம் காரணமாக 2021 ஐபிஎல் போட்டியிலிருந்து விலகியனார். மேலும் அறுவை சிகிச்சை செய்த காரணத்தினால், இங்கிலாந்துக்கு எதிரான டெஸ்ட் தொடர் மற்றும் இலங்கைக்கு எதிரான ஒருநாள், டி20 தொடர்களில் இந்திய அணியில் நடராஜன் இடம்பெறவில்லை.

இந்நிலையில், காயத்திலிருந்து மீண்டு வரும் நடராஜன், தென்னிந்தியவில் வளர்ந்து வரும் பிரபல நடிகர் யோகி பாபுவுடன் உரையாடி, நண்பர்களுடன் இணைந்து உணவு அருந்தியுள்ளார்கள். இந்தச் சந்திப்பின் போது எடுக்கப்பட்ட புகைப்படங்களை இருவரும் சமூகவலைத்தளங்களில் வெளியிட்டுள்ளார்கள்.

 

#ADayToRemember- Was excited to meet with fun loving friend /Actor @iyogibabu#Goodtimes #MomentOfHappiness pic.twitter.com/ninnCoEba8

— Natarajan (@Natarajan_91) July 3, 2021

இதுகுறித்து நடராஜன் தனது ட்விட்டர் பதிவில், நினைவில் கொள்ள வேண்டிய ஒரு நாள். நண்பரும் நடிகருமான யோகி பாபுவை சந்தித்ததில் பெரும் மகிழ்ச்சி என்ற பதிவிட்டு புகைப்படங்களை இணைத்துள்ளார். இவரது பதிவு சமூக வலைதளங்களில் வைரலாகி வருகிறது. 

Win Big, Make Your Cricket Tales Now