INDW vs AUSW, 3rd T20: ஆஸ்திரேலியாவுக்கு 148 ரன்களை இலக்காக நிர்ணயித்தது இந்தியா!
ஆஸ்திரேலிய மகளிர் அணிக்கெதிரான மூன்றாவது டி20 போட்டியில் முதலில் பேட்டிங் செய்த இந்திய மகளிர் அணி 148 ரன்களை இலக்காக நிர்ணயித்துள்ளது.
-mdl.jpg "INDW vs AUSW, 3rd T20: India posted 147 for 6 from 20 overs in the T20I series decider against Austr")
இந்நிலையில் இரு அணிகளுக்கும் இடையேயான மூன்று போட்டிகள் கொண்ட டி20 தொடர் நடைபெற்று வருகிறது. இதில் முதலாவது போட்டியில் இந்திய அணியும், இரண்டாவது போட்டியில் ஆஸ்திரேலிய அணியும் வெற்றிபெற்று தொடரை 1-1 என்ற கணக்கில் சமன்செய்துள்ளன. இந்நிலையில் தொடரின் வெற்றியளாரைத் தீர்மானிக்கும் மூன்றாவது போட்டி இன்று நடைபெற்றது. இப்போட்டியில் டாஸ் வென்ற ஆஸ்திரேலிய அணி முதலில் பந்துவீசுவதாக அறிவித்தது.
Trending
அதன்படி களமிறங்கிய இந்திய அணிக்கு ஷஃபாலி வர்மா - ஸ்மிருதி மந்தனா இணை அதிரடியான தொடக்கத்தைக் கொடுத்து அடித்தளம் அமைத்தனர். இதில் பவுண்டரிகளாக விளாசிய ஷஃபாலி வர்மா 6 பவுண்டரிகளுடன் 26 ரன்களில் ஆட்டமிழக்க, அடுத்து களமிறங்கிய அனுபவ வீராங்கனை ஜெமிமா ரோட்ரிக்ஸ் 2 ரன்களுக்கு விக்கெட்டை இழந்து ஏமாற்றமளித்தார். அவர்களைத் தொடர்ந்து சிறப்பான ஆட்டத்தை வெளிப்படுத்திய ஸ்மிருதி மந்தனா 2 பவுண்டரி, ஒரு சிக்சர் என 28 ரன்களுக்கு விக்கெட்டை இழந்தார்.
இதைத்தொடர்ந்து களமிறங்கிய கேப்டன் ஹர்மன்ப்ரீத் கவுர் இப்போட்டியிலும் சொற்ப ரன்களுக்கு விக்கெட்டை இழக்க, தீப்தி சர்மாவும் 14 ரன்களில் ஆட்டமிழந்தார். இருப்பினும் மறுமுனையில் அதிரடியாக விளையாடி வந்த ரிசா கோஷ் 2 பவுண்டரி, 3 சிக்சர்கள் என 34 ரன்களைச் சேர்த்து ஆட்டமிழக்க, இறுதிவரை ஆட்டமிழக்காமல் இருந்த அமன்ஜோத் கவுர் 17 ரன்களையும், பூஜா வஸ்திரேகர் சிக்சர் விளாசியும் ஃபினிஷிங் கொடுத்தனர்.
இதன்மூலம் 20 ஓவர்கள் முடிவில் இந்திய மகளிர் அணி 6 விக்கெட்டுகள் இழப்பிற்கு 147 ரன்களைக் குவித்தது. ஆஸ்திரேலிய அணி தரப்பில் அனபெல் சதர்லேண்ட், ஜார்ஜியா வர்ஹாம் தலா 2 விக்கெட்டுகளையும், மேகன் ஷாட், ஆஷ்லே கார்ட்னார் தலா ஒரு விக்கெட்டையும் வீழ்த்தினர்.
Win Big, Make Your Cricket Tales Now
