INDW vs WIW, 2nd T20I: மீண்டும் அரைசதமடித்த மந்தனா; விண்டீஸூக்கு 160 ரன்கள் இலக்கு!
வெஸ்ட் இண்டீஸ் மகளிர் அணிக்கு எதிரான இரண்டாவது டி20 போட்டியில் டாஸை இழந்து முதலில் பேட்டிங் செய்த இந்திய மகளிர் அணி 160 ரன்களை இலக்காக நிர்ணயித்துள்ளது.
இதையடுத்து இந்தியா - வெஸ்ட் இண்டீஸ் மகளிர் அணிகளுக்கு இடையேயான இரண்டாவது டி20 போட்டியானது இன்று நவி மும்பையில் உள்ள டிஒய் பாட்டில் மைதானத்தில் நடைபெறவுள்ளது. இப்போட்டியில் டாஸ் வென்ற வெஸ்ட் இண்டீஸ் மகளிர் அணி முதலில் பந்துவீசுவதாக அறிவித்தது. இதனையடுத்து களமிறங்கிய இந்திய அணிக்கு கேப்டன் ஸ்மிருதி மந்தனா மற்றும் உமா சேத்ரி இணை தொடக்கம் கொடுத்தனர்.
Trending
இதில் ஸ்மிருதி மந்தனா தொடக்கம் முதலே அதிரடியாக விளையாடி அணியின் ஸ்கோரை உயர்த்தினார். அதேசமயம் மறுபக்கம் விளையாடிய உமா சேத்ரி 4 ரன்னில் விக்கெட்டி இழக்க, அடுத்து களமிறங்கிய ஜெமிமா ரோட்ரிக்ஸ் 13 ரன்னிலும், ராகவி பிஸ்ட் 5 ரன்னிலும் என விக்கெட்டை இழந்து நடையைக் கட்டினர். விக்கெட்டுகள் ஒருபக்கம் சரிந்தாலும் மறுமுனையில் சிறப்பான ஆட்டத்தை வெளிப்படுத்திய ஸ்மிருதி மந்தனா தனது அரைசதத்தைப் பதிவுசெய்து அசத்தினார்.
பின் 9 பவுண்டரி, ஒரு சிக்ஸர் என 62 ரன்களைச் சேர்த்த நிலையில் ஸ்மிருதி மந்தனாவும் விக்கெட்டை இழக்க, அடுத்து வந்த தீப்தி சர்மா 17 ரன்களுக்கும், சஜீவன் சஜனா 2 ரன்னிலும் என விக்கெட்டை இழந்து ஏமாற்றமளித்தனர். இறுதியில் அதிரடியான ஆட்டத்தை வெளிப்படுத்தி வந்த ரிச்சா கோஷ் 6 பவுண்டரிகளுடன் 32 ரன்களைச் சேர்த்து விக்கெட்டை இழந்த நிலையில், கடைசி ஓவரில் ராதா யாதவும் 6 ரன்களுடன் நடையைக் கட்டினார்.
Also Read: Funding To Save Test Cricket
அதன்பின்னர் களமிறங்கிய வீராங்கனைகளும் சோபிக்க தவறினர். இதனால் இந்திய மகளிர் அணி 20 ஓவர்கள் முடிவில் 9 விக்கெட்டுகளை இழந்து 159 ரன்களைச் சேர்த்தது. வெஸ்ட் இண்டீஸ் அணி தரப்பில் சின்னலே ஹென்றி, டியாண்டிரா டோட்டின், ஹெய்லி மேத்யூ மற்றும் அஃபி ஃபிளெட்சர் ஆகியோர் தலா 2 விக்கெட்டுகளைக் கைப்பற்றினர். இதனையடுத்து 160 ரன்கள் எடுத்தால் வெற்றி என்ற இலக்கை நோக்கி விளையாடவுள்ளது.
Win Big, Make Your Cricket Tales Now
