நாங்கள் வலிமையோடு திரும்ப வருவோம் - சஞ்சு சாம்சன்!

டெல்லி கேப்பிட்டல்ஸுக்கு எதிரான போட்டியில் குறைவான ரன்களைச் சேர்த்ததே எங்கள் தோல்விக்கு காரணம் என ராஜஸ்தான் ராயல்ஸ் கேப்டன் சஞ்சு சாம்சன் தெரிவித்துள்ளார்.

ஐபிஎல் கிரிக்கெட் தொடரில் நேற்று நடைபெற்ற ராஜஸ்தான் ராயல்ஸ்  அணிக்கு எதிரான லீக் போட்டியில் டெல்லி கேப்பிட்டல்ஸ் 8 விக்கெட் வித்தியாசத்தில் வெற்றி பெற்றது. முன்னதாக அந்தப் போட்டியில் டாஸ் வென்ற டெல்லி முதலில் பந்து வீசுவதாக அறிவித்தது.

அதன்படி முதலில் பேட்டிங் செய்த ராஜஸ்தான் அணி 20 ஓவர்கள் முடிவில் 6 விக்கெட் இழப்பிற்கு 160 ரன்களைச் சேர்த்தது. அதைத்தொடர்ந்து இலக்கை விரட்டிய டெல்லி அணி 2 விக்கெட்களை மட்டும் இழந்து 19வது ஓவரில் வெற்றி பெற்றது. .

இந்த நிலையில் நேற்றைய போட்டியில் குறைவான ரன்களைச் சேர்த்ததே எங்கள் தோல்விக்கு காரணம் என ராஜஸ்தான் ராயல்ஸ் கேப்டன் சஞ்சு சாம்சன் தெரிவித்துள்ளார்.

தோல்விக்குப் பிறகு பேட்டி அளித்துள்ள ராஜஸ்தான் கேப்டன் சாம்சன், ''நாங்கள் 15 ரன்கள் குறைவாக இருந்தோம். இன்னும் கொஞ்சம் அதிக ரன்களை நாங்கள் எடுத்திருக்க வேண்டும். அதேபோல் மிடில் ஓவர்களில் கொஞ்சம் விக்கெட்களை எடுத்திருக்க வேண்டும். சில கேட்ச்களை தவறவிட்டோம். இது உண்மையில் எங்களுக்கு ஏமாற்றத்தை அளித்துள்ளது. இருப்பினும் நாங்கள் நிச்சயம் வலிமையோடு திரும்பி வருவோம்” எனக் கூறினார்.

ராஜஸ்தான் அணி 14 புள்ளிகளுடன் 3ஆவது இடத்தில் உள்ளது. மீதமுள்ள இரண்டு ஆட்டங்களில் ஒன்றில் வெற்றி பெற்றால்கூட அந்த அணி 16 புள்ளிகளுடன் பிளே-ஆஃப் வாய்ப்பை உறுதி செய்ய அதிக வாய்ப்புள்ளது.

Win Big, Make Your Cricket Tales Now