ஐபிஎல் 2023: டெல்லி கேப்பிட்டல்ஸ் vs சன்ரைசர்ஸ் ஹைதராபாத் - போட்டி முன்னோட்டம் & ஃபேண்டஸி லெவன் டிப்ஸ்!
ஐபிஎல் தொடரில் இன்று இரவு நடைபெறும் லீக் ஆட்டத்தில் டெல்லி கேப்பிட்டல்ஸ் அணியும், சன்ரைசர்ஸ் ஹைதராபாத் அணியும் பலப்பரீட்சை நடத்துகின்றன.
மற்றொரு போட்டியில் இந்த சீசனில் மிகவும் மோசமான நிலையில் இருக்கக்கூடிய அணிகளான சன்ரைசர்ஸ் அணியும் டெல்லி கேப்பிடல்ஸ் அணியும் மோதிக்கொள்ளவுள்ளன. டெல்லியில் உள்ள அருண் ஜெட்லி மைதானத்தில் இரவு 7.30 மணிக்கு தொடங்கும் இந்த போட்டியில் சன்ரைசர்ஸ் ஹைதராபாத் அணியும் டெல்லி கேப்பிடல்ஸ் அணியும் மோதிக்கொள்கின்றன.
Trending
போட்டி தகவல்கள்
- மோதும் அணிகள் - டெல்லி கேப்பிட்டல்ஸ் vs சன்ரைசர்ஸ் ஹைதராபாத்
- இடம் - அருண் ஜெட்லி மைதானம், டெல்லி
- நேரம் - இரவு 7.30 மணி
போட்டி முன்னோட்டம்
ஐடன் மார்க்கரம் தலைமையிலான ஹைதராபாத் அணி இந்த தொடர் தொடங்கியது முதல் ஒரு அணியாக திறம்பட செயல்பட முடியாமல் உள்ளது. ஹைதராபத் அணியில் உள்ள தமிழ்நாட்டைச் சேர்ந்த வீரர்களான நடராஜன் மற்றும் வாஷிங்டன் சுந்தர் தடுமாற்றமான ஆட்டத்தினையே வெளிப்படுத்தி வருகின்றனர். இந்நிலையில் வாஷிங்டன் சுந்தர் காயத்தினால் தொடரில் இருந்து முழுவதுமாக வெளியேறியுள்ளார்.
இதுவரை 7 போட்டிகளில் விளையாடியுள்ள ஹைதராபாத் அணி 2 போட்டியில் மட்டும் வெற்றி பெற்று புள்ளிப்பட்டியலில் 9வது இடத்தில் உள்ளது. இந்த தொடரில் மேற்கொண்டு நீடிக்க வேண்டுமானால் இனிவரும் போட்டிகள் அனைத்திலும் ஹைதராபாத் அணி வெற்றி பெறவேண்டும் என்பது குறிப்பிடத்தக்கது. சிறப்பான வீரர்கள் அணியில் இருந்தாலும் ஹைதராபாத் அணியால் சிறப்பான மற்றும் சவாலான ஆட்டத்தினை தொடர்ச்சியாக வெளிப்படுத்தமுடியவில்லை என்பது அந்த அணிக்கு மிகவும் வருத்தமளிக்கக்கூடியதாக உள்ளது.
சன் ரைசர்ஸ் ஹைதராபாத் அணியைப் போல் 7 போட்டிகளில் விளையாடி 2 வெற்றிகளைப் பெற்றிருந்தாலும், ரன் ரேட் அடிப்படையில் கடைசி இடத்தில் உள்ள அணியாக டெல்லி அணி உள்ளது. அணியின் கேப்டன் டேவிட் வார்னர் அனைத்து போட்டிகளிலும் அணியின் நம்பிக்கை நட்சத்திரமாக உள்ளார். அதேபோல் அணியில் தொடர்ந்து சிறப்பாக விளையாடக்கூடிய மற்றொரு வீரர் என்றால் அது அக்சர் பட்டேல் தான். பந்து வீச்சில் பேட்டிங்கிலும் சிறப்பாக விளையாடும் அக்சர் அணிக்கு நம்பிக்கையாக உள்ளார்.
டெல்லி அணியைப் பொறுத்தவரையில் ஆஸ்திரேலிய பட்டாளமே உள்ளது எனும் அளவிற்கு அணியில் வீரர்கள் இருந்தாலும், களத்தில் அவையெல்லாம் தவிடுபொடியாகிவிடுகின்றன. சொந்த மண்ணில் இன்று நடக்கும் போட்டியில் டெல்லி அணி வென்றால் தான் தொடரில் நீடிக்க முடியும். இனி வரும் 7 போட்டிகளும் டெல்லி அணிக்கு வாழ்வா சாவா என்பதை நிர்ணயிக்கும் போட்டிகளாகும்.
நேருக்கு நேர்
- மோதிய போட்டிகள் - 22
- டெல்லி கேப்பிட்டல்ஸ் - 11
- சன்ரைசர்ஸ் ஹைதராபாத் - 11
உத்தேச லெவன்
டெல்லி கேப்பிட்டல்ஸ் - டேவிட் வார்னர் (கே), பில் சால்ட், மிட்செல் மார்ஷ், மணீஷ் பாண்டே, அமன் ஹக்கிம் கான், அக்ஷர் படேல், ரிப்பிள் படேல், அன்ரிச் நோர்கியா, குல்தீப் யாதவ், இஷாந்த் சர்மா, முகேஷ் குமார்.
சன்ரைசர்ஸ் ஹைதராபாத் - ஹாரி புரூக், மயங்க் அகர்வால், ராகுல் திரிபாதி, அபிஷேக் சர்மா, ஐடன் மார்க்ரம் (கே), ஹென்ரிச் கிளாசென், மார்கோ ஜான்சன், மயங்க் மார்கண்டே, புவனேஷ்வர் குமார், உம்ரான் மாலிக், தங்கராசு நடராஜன்.
ஃபேண்டஸி லெவன் டிப்ஸ்
- விக்கெட் கீப்பர் - பில் சால்ட்
- பேட்ஸ்மேன்கள் - டேவிட் வார்னர், மணீஷ் பாண்டே, மயங்க் அகர்வால், ராகுல் திரிபாதி, ஹாரி ப்ரூக்
- ஆல்-ரவுண்டர்கள் - மிட்செல் மார்ஷ், அக்சர் படேல், ஐடன் மார்க்ரம்
- பந்துவீச்சாளர்கள் - குல்தீப் யாதவ், மயங்க் மார்கண்டே
கேப்டன்/துணைக்கேப்டன் - டேவிட் வார்னர், பில் சால்ட், ஐடன் மார்க்ரம், ஹாரி ப்ரூக்
Win Big, Make Your Cricket Tales Now
