Ireland vs Pakistan Dream11 Prediction 2nd T20I: ஐசிசி டி20 உலகக்கோப்பை கிரிக்கெட் தொடரானது வரும் ஜூன் மாதம் அமெரிக்கா மற்றும் வெஸ்ட் இண்டீஸில் நடைபெறவுள்ளது. இத்தொடருக்கான அனைத்து அணிகளும் தீவிரமாக தயாராகி வருகின்றன. அந்தவகையில் பாபர் அசாம் தலைமையிலான பாகிஸ்தான் அணியானது அயர்லாந்தில் சுற்றுப்பயணம் மேற்கொண்டு 3 போட்டிகள் கொண்ட டி20 தொடரில் விளையாடி வருகிறது. இதில் நேற்று நடைபெற்ற இரு அணிகளுக்கும் இடையேயான முதலாவது போட்டியில் அயர்லாந்து அணி 5 விக்கெட் வித்தியாசத்தில் பாகிஸ்தானை வீழ்த்தி அபார வெற்றிய்யைப் பதிவுசெய்து அசத்தியது.
இதன்மூலம் அயர்லாந்து அணி தொடக்கத்திலேயே 1-0 என்ற கணக்கில் முன்னிலை வகிக்கிறது. இந்நிலையில் இரு அணிகளுக்கும் இடையேயான இரண்டாவது டி20 போட்டி நாளை டப்ளினில் நடைபெறவுள்ளது. இப்போட்டியிலும் அயர்லாந்து அணி வெற்றிபெறும் பட்சத்தில் டி20 தொடரைக் கைப்பற்றும் முயற்சியிலும், அதேசமயம் பாகிஸ்தான் அணி வெற்றி பெற்று தொடரை சமன்செய்யும் முயற்சியிலும் களமிறங்கும் என்பதால இப்போட்டியில் நிச்சயம் விறுவிறுப்புக்கு பஞ்சமிருக்காது என எதிர்பார்க்கப்படுகிறது.
IRE vs PAK : போட்டி தகவல்கள்
- மோதும் அணிகள் - அயர்லாந்து vs பாகிஸ்தான்
- இடம் - க்ளோன்டார்ஃப் கிரிக்கெட் மைதானம், டப்ளின்
- நேரம் - இரவு 7.30 மணி
IRE vs PAK: Pitch Report
டப்ளினில் உள்ள இந்த ஆடுகளம் வேகப்பந்து வீச்சாளர்களுக்கு சாதகமான ஒன்றாக பார்க்கப்படுகிறது. மேலும் இங்கு பந்துவீச்சாளர்களுக்கு தேவையான வேகம் மற்றும் ஸ்விங்கும் இருக்கும் என்பதால் அது பேட்டர்களுக்கு பெரும் சவாலாக அமையும் என எதிர்பார்க்கப்படுகிறது. இதனால் போட்டியில் டாஸ் வெல்லும் கேப்டன் முதலில் பந்துவீச்சை தேர்வு செய்வது வெற்றிக்கு வழிவகுக்கலாம்.
IRE vs PAK: Head-to-Head
- மோதிய போட்டிகள் - 02
- அயர்லாந்து - 01
- பாகிஸ்தான் - 01
