தி ஹண்ரட் : ஜேம்ஸ் வின்ஸ் அதிரடியில் முதல் வெற்றியைப் பதிவு செய்த சதர்ன் பிரேவ்!

தி ஹண்ரட் ஆடவர் தொடரில் நேற்று நடைபெற்ற லீக் ஆட்டத்தில் சதர்ன் பிரேவ் அணி 4 விக்கெட் வித்தியாசத்தில் பர்மிங்ஹாம் பீனிக்ஸ் அணியை வீழ்த்தி வெற்றிபெற்றது.

தி ஹண்ரட் ஆடவர் கிரிக்கெட் தொடரில் நேற்று நடைபெற்ற 11ஆவது லீக் ஆட்டத்தில் சதர்ன் பிரேவ் - பர்மிங்ஹாம் பீனிக்ஸ் அணிகள் பலப்பரீட்சை நடத்தின. இதில் டாஸ் வென்ற சதர்ன் பிரேவ் முதலில் பந்துவீச தீர்மானித்தது. 

இதையடுத்து களமிறங்கிய பர்மிங்ஹாம் பீனிக்ஸ் அணியில் லியாம் லிவிங்ஸ்டோன் அதிரடியாக விளையாடி அரைசதம் கடந்ததுடன், அணியின் ஸ்கோரையும் மளமளவென உயர்த்தினார். 

இதன்மூலம் 100 பந்துகளில் பர்மிங்ஹாம் பீனிக்ஸ் 3 விக்கெட்டுகளை மட்டும் இழந்து 151 ரன்களைச் சேர்த்ததில் இதில் அதிகபட்சமாக லிவிங்ஸ்டோன் 68 ரன்களை சேர்த்தார். 

அதன்பின் கடின இலக்கை நோக்கி களமிறங்கிய சதர்ன் பிரேவ் அணியில் குயின்டன் டி காக் 3 ரன்களில் ஆட்டமிழந்து ஏமாற்றமளித்தார். இருப்பினும் மறுமுனையில் பொறுப்பை உணர்ந்து விளையாடிய கேப்டன் ஜேம்ஸ் வின்ஸ் அரைசதம் அடித்து அசத்தினார். 

இதன் மூலம் 98 பந்துகளில் இலக்கை எட்டி, 4 விக்கெட் வித்தியாசத்தில் பர்மிங்ஹாம் பீனிக்ஸ் அணியை வீழ்த்தி, இத்தொடரில் முதல் வெற்றியைப் பெற்றது. 

Win Big, Make Your Cricket Tales Now