இங்கிலாந்து வந்தடைந்த நியூசிலாந்து!

இங்கிலாந்து தொடர், உலக டெஸ்ட் சாம்பியன்ஷிப் தொடரில் பங்கேற்பதற்காக கேன் வில்லியம்சன் தலைமையிலான நியூசிலாந்து அணி இன்று இங்கிலாந்து சென்றது.

Kiwis Depart For England For WTC Final vs India, Tests vs Host (Image Source: Google)

நியூசிலாந்து கிரிக்கெட் அணி, இங்கிலாந்தில் சுற்றுப்பயணம் மேற்கொண்டு இரண்டு டெஸ்ட் போட்டிகள் கொண்ட தோடரிலும், உலக டெஸ்ட் சாம்பியன்ஷிப் இறுதி போட்டியில் விளையாடவுள்ளது. 

இத்தொடருக்கான கேன் வில்லியம்சன் தலைமையிலான 20 பேர் கொண்ட நியூசிலாந்து அணி சமீபத்தில் அறிவிக்கப்பட்டது. இந்நிலையில் நியூசிலாந்து அணி வீரர்கள் இன்று இங்கிலாந்திற்கு சென்றடைந்தனர். 

இதையடுத்து அவர்களுக்கு கரோனா தொற்று பரிசோதனை மேற்கொள்ளப்பட்டு, 14 நாள்கள் தனிமைப் படுத்தப்பட உள்ளனர். இங்கிலாந்து - நியூசிலாந்து அணிகளுக்கு இடையேயான முதலாவது டெஸ்ட் ஜூன் 2ஆம் தேதி லண்டனில் தொடங்கவுள்ளது.

Time to fly! #ENGvNZ #WTC21 pic.twitter.com/1sgKyOBawH

— BLACKCAPS (@BLACKCAPS) May 15, 2021

நியூசிலாந்து அணி: கேன் வில்லியம்சன் (கேப்டன்), டாம் ப்ளண்டெல், ட்ரெண்ட் போல்ட், டிம் சௌதி, டக் பிரேஸ்வெல், டெவன் கான்வே, காலின் டி கிராண்ட்ஹோம், ஜேக்கப் டஃபி, மேட் ஹென்றி, கைல் ஜேமீசன், டாம் லாதம், டேரில் மிட்செல், ஹென்றி நிக்கோல்ஸ், அஜாஸ் படேல், ராச்சின் ரவீந்திரா, மிட்செல் சாண்ட்னர், ராஸ் டெய்லர், நெய்ல் வாக்னர், பிஜே வாட்லிங், வில் யங்.

Win Big, Make Your Cricket Tales Now