கொல்கத்தா நைட் ரைடர்ஸ் vs லக்னோ சூப்பர் ஜெயண்ட்ஸ் - அணிகள் ஓர் அலசல்
ஐபிஎல் தொடரில் இன்று நடைபெறும் லீக் போட்டியில் கொல்கத்தா நைட் ரைடர்ஸ் மற்றும் லக்னோ சூப்பர் ஜெயண்ட்ஸ் அணிகள் பலப்பரீட்சை நடத்தவுள்ளன.
இவ்விரு அணிகளுக்கும் இடையேயான இப்போட்டியானது கொல்கத்தாவில் உள்ள ஈடன் கார்டன்ஸ் கிரிக்கெட் மைதானத்தில் நடைபெறவுள்ளது. இதில் இரு அணிகளும் கடந்த போட்டியில் வெற்றிக்கு பெற்ற உத்வேகத்துடன் இப்போட்டியை எதிர்கொள்ளவுள்ளதால் இப்போட்டியின் மீதான எதிர்பார்ப்புகள் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.
Trending
கொல்கத்தா நைட் ரைடர்ஸ்
அஜிங்கியா ரஹானே தலைமையிலான நடப்பு சாம்பியன் கொல்கத்தா நைட் ரைடர்ஸ் அணி கடந்த போட்டியில் வெற்றியைப் பதிவுசெய்த கையோடு இப்போட்டியை எதிர்கொள்கிறது. இதனால் அந்த அணி இப்போட்டியிலும் தங்கள் வெற்றியைத் தொடரும் முனைப்பில் உள்ளது. அந்த அணியில் அஜிங்கியா ரஹானே, அங்கிரிஷ் ரகுவன்ஷி, வெங்கடேஷ் ஐயர் உள்ளிட்டோர் சிறப்பான ஆட்டத்தை வெளிப்படுத்தி வருவது அணிக்கு சாதகமாக பார்க்கப்படுகிறது.
ஆனால் பெரிதும் எதிர்பார்க்கப்பட்ட குயின்டன் டி காக், வெங்கடேஷ் ஐயர், ஆண்ட்ரே ரஸல் உள்ளிட்டோர் சிறப்பாக செயல்பட வேண்டிய நிலைக்கு தள்ளப்பட்டுள்ளனர். பந்துவீச்சைப் பொறுத்தவரையில் வருண் சக்ரவர்த்தி ரன்களைக் கட்டுப்படுத்துவதுடன் விக்கெட்டுகளையும் வீழ்த்தி வருகிறார். அவருடன் சுனில் நரைன், ஹர்ஷித் ரானா, வைபவ் அரோரா உள்ளிட்டோரும் சிறப்பாக செயல்படும் பட்சத்தில் அணிக்கு கூடுதல் சாதக்கத்தை வழங்கும்.
கொல்கத்தா நைட் ரைடர்ஸ் உத்தேச லெவன்: குயின்டன் டி காக் (விக்கெட் கீப்பர்), சுனில் நரைன், அஜிங்க்யா ரஹானே (கேப்டன்), வெங்கடேஷ் ஐயர், ரின்கு சிங், ஆண்ட்ரே ரஸல், மொயீன் அலி, ரமன்தீப் சிங், ஹர்ஷித் ராணா, வருண் சக்ரவர்த்தி, வைபவ் அரோரா.
லக்னோ சூப்பர் ஜெயண்ட்ஸ்
ரிஷப் பந்த் தலைமையிலான லக்னோ சூப்பர் ஜெயண்ட்ஸ் அணியானது நடப்பு ஐபிஎல் தொடரில் விளையாடிய 4 போட்டிகளில் 2 வெற்றி, 2 தோல்வியைச் சந்தித்த கையோடு, இப்போட்டியை எதிர்கொள்கிறது. இதனால் இந்த ஆட்டத்திலும் அந்த அணி வெற்றிபெறும் முனைப்பில் களமிறங்கவுள்ளது. அணியின் பேட்டிங்கைப் பொறுத்தமட்டில் மிட்செல் மார்ஷ், நிக்கோலஸ் பூரன், டேவிட் மில்லர் ஆகியோர் அபாரமான ஆட்டத்தை வெளிப்படுத்தி சிறப்பான ஃபர்மில் உள்ளனர்.
அவர்களுடன் ரிஷப் பந்த், ஐடன் மார்க்ரம், ஆயூஷ் பதோனி ஆகியோரும் சோபிக்கும் பட்சத்தில் அது அணிக்கு கைகொடுக்கும். அதேசமயம், பந்துவீச்சை பொறுத்தவரையில் மிகப்பெரும் பலவீனமாக உள்ளது. ஷர்துல் தாகூர், அவேஷ் கான், ரவி பிஷ்னாய் உள்ளிட்டோர் மட்டுமே அந்த அணியில் பந்துவீச்சை துறையை வழிநடத்துவதால் இப்போட்டியை அந்த அணி எவ்வாறு எதிர்கொள்ளும் என்ற எதிர்பார்ப்புகள் அதிகரித்துள்ளன.
லக்னோ சூப்பர் ஜெயண்ட்ஸ் உத்தேச லெவன்: மிட்செல் மார்ஷ், ஐடன் மார்க்ரம், நிக்கோலஸ் பூரன், ரிஷப் பந்த் (கேப்டன் மற்றும் விக்கெட் கீப்பர்), ஆயுஷ் படோனி, டேவிட் மில்லர், அப்துல் சமத், ஷர்துல் தாக்கூர், ஆகாஷ் தீப், அவேஷ் கான், திக்வேஷ் சிங்.
நேருக்கு நேர்
- மோதிய போட்டிகள் - 05
- லக்னோ சூப்பர் ஜெயண்ட்ஸ் – 03
- கொல்கத்தா நைட் ரைடர்ஸ் – 02
Also Read: Funding To Save Test Cricket
ஃபேண்டஸி லெவன் டிப்ஸ்
- விக்கெட் கீப்பர் - நிக்கோலஸ் பூரன் (கேப்டன்)
- பேட்ஸ்மேன்கள் - அஜிங்க்யா ரஹானே, மிட்செல் மார்ஷ் (துணை கேப்டன்), வெங்கடேஷ் ஐயர், ஆயுஷ் பதோனி, ஆங்க்ரிஷ் ரகுவன்ஷி
- ஆல்-ரவுண்டர்கள் - சுனில் நரைன், ஆண்ட்ரே ரசல், எய்டன் மார்க்ரம்
- பந்துவீச்சாளர்கள் - ஷர்துல் தாக்கூர், வருண் சக்ரவர்த்தி.
Win Big, Make Your Cricket Tales Now
