கொல்கத்தா நைட் ரைடர்ஸ் vs ராஜஸ்தான் ராயல்ஸ்- அணிகள் ஓர் அலசல்!
கொல்கத்தா நைட் ரைடர்ஸ் மற்றும் ராஜஸ்தான் ராயல்ஸ் அணிகளுக்கு இடையேயான ஐபிஎல் லீக் போட்டி இன்று நடைபெறவுள்ளது.
இவ்விரு அணிகளுக்கும் இடையேயான இப்போட்டியானது கொல்கத்தாவில் உள்ள ஈடன் கார்டன்ஸ் கிரிக்கெட் மைதானத்தில் நடைபெறவுள்ளது. நடப்பு ஐபிஎல் தொடரில் இவ்விரு அணிகளும் மோதிய முதல் ஆட்டத்தில் கேகேஆர் அணி வெற்றிபெற்ற நிலையில், அதற்கு பதிலடி கொடுக்கும் முயற்சியில் ராஜஸ்தான் ராயல்ஸ் அணி விளையாடவுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இந்நிலையில் இரு அணிகளின் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.
கொல்கத்தா நைட் ரைடர்ஸ்
அஜிங்கியா ரஹானே தலைமையிலான கொல்கத்தா நைட் ரைடர்ஸ் அணி இதுவரை விளையாடிவுள்ள 10 போட்டிகளில் 4 வெற்றி, ஐந்து தோல்வி மற்றும் ஒரு முடிவில்லை என 9 புள்ளிகளுடன் பட்டியளில் 6ஆம் இட்த்தில் உள்ளது. மேற்கொண்டு அந்த அணி அடுத்தடுத்த தோல்விகளுக்கு பிறகு இப்போட்டியை எதிர்கொள்கிறது. இதனால் இனிவரும் போட்டிகளில் அந்த அணி வெற்றிபெற்றால் மட்டுமே பிளே ஆஃப் சுற்றுக்கு முன்னேற முடியும் என்பதால் இப்போட்டியின் மீதான எதிர்பார்ப்புகளும் அதிகரித்துள்ளன.
அதிலும் குறிப்பாக அணியின் பேட்டிங் ஆர்டரில் ரஹானே, ரகுவன்ஷியைத் தவிர்த்து மற்ற வீரர்கள் ரன்களைச் சேர்க்க முடியாமல் தடுமாறி வருவது அணிக்கு பெரும் பின்னடைவாக பார்க்கப்படுகிறது. அதேசமயம் அணியின் பந்துவீச்சு துறையில் சுனில் நரைன், வருண் சக்ரவர்த்தி, வைபவ் ஆரோரா, ஹர்ஷித் ராணா ஆகியோர் தொடர்ந்து அபாரமான ஆட்டத்தை வெளிப்படுத்தி வருவது அணிக்கு நம்பிக்கை அளிக்கும் விசயமாக பார்க்கப்படுகிறது.
கொல்கத்தா நைட் ரைடர்ஸ் உத்தேச லெவன்: ரஹ்மனுல்லா குர்பாஸ், சுனில் நரைன், அஜிங்க்யா ரஹானே (கேப்டன்), வெங்கடேஷ் ஐயர், ரின்கு சிங், ரமன்தீப் சிங், ஆண்ட்ரே ரசல், ரோவ்மன் பாவெல், ஹர்ஷித் ராணா, வைபவ் அரோரா, வருண் சக்ரவர்த்தி.
ராஜஸ்தான் ராயல்ஸ்
சஞ்சு சாம்சன் தலைமையிலான ராஜஸ்தான் ராயல்ஸ் அணி நடப்பு ஐபிஎல் தொடரில் விளையாடிய 11 போட்டிகளில் 3 வெற்றி 7 தோல்விகளைச் சந்தித்து புள்ளிப்பட்டியலின் 8ஆம் இடத்தில் நீடித்து வருகிறது. இதனால் நடப்பு ஐபிஎல் தொடரின் பிளே ஆஃப் சுற்று வாய்ப்பையும் அந்த அணி இழந்துள்ளது. இதனால் எஞ்சியுள்ள போட்டிகளிலும் வெற்றிபெற்று ரசிகர்களை ஆறுதல் படுத்தும் நோக்கி அந்த அணி இப்போட்டியை எதிர்கொள்ளவுள்ளது.
பேட்டிங்கில் வைபவ் சூர்யவன்ஷியின் வருகை அணிக்கு பெரும் பலமாக உள்ள நிலையிலும், சஞ்சு சாம்சன் காயம் காரணமாக விளையாடாமல் இருப்பது சற்று பின்னடைவை ஏற்படுத்தியுள்ளது. மேற்கொண்டு பந்துவீச்சில் ஜோஃப்ரா ஆர்ச்சர் ஒருபக்கம் சிறப்பாக செயல்படும் நிலையில் மற்ற பந்துவீச்சாளர்கள் அவருக்கு துணை நிற்க வேண்டிய சூழல் உருவாகியுள்ளதால், இன்றைய போட்டியில் அவர்களின் செயல்பாடு எவ்வாறு இருக்கும் என்ற எதிர்பார்ப்புகள் அதிகரித்துள்ளன.
ராஜஸ்தான் ராயல்ஸ் உத்தேச லெவன்: யஷஸ்வி ஜெய்ஸ்வால், வைபவ் சூர்யவன்ஷி, நிதிஷ் ராணா, ரியான் பராக் (கேப்டன்), துருவ் ஜூரல், ஷிம்ரோன் ஹெட்மையர், வனிந்து ஹசரங்கா, ஜோஃப்ரா ஆர்ச்சர், மகேஷ் தீக்ஷனா, சந்தீப் சர்மா, யுத்விர் சிங்.
நேருக்கு நேர்
- மோதிய போட்டிகள் - 31
- கொல்கத்தா நைட் ரைடர்ஸ் - 15
- ராஜஸ்தான் ராயல்ஸ் - 14
- முடிவில்லை - 02
Also Read: LIVE Cricket Score
ஃபேண்டஸி லெவன் டிப்ஸ்
- விக்கெட் கீப்பர் - ரெஹ்மானுல்லா குர்பாஸ்
- பேட்ஸ்மேன்கள் - யஷஸ்வி ஜெய்ஸ்வால் (துணை கேப்டன்), அஜிங்கியா ரஹானே, அங்கிரிஷ் ரகுவன்ஷி, வைபவ் சூர்யவன்ஷி
- ஆல்-ரவுண்டர்கள் - சுனில் நரைன் (கேப்டன்), ஆண்ட்ரே ரஸல், வனிந்து ஹசரங்கா, ரியான் பராக்
- பந்துவீச்சாளர்கள் - ஜோஃப்ரா ஆர்ச்சர், வருண் சக்ரவர்த்தி.
Win Big, Make Your Cricket Tales Now
