ஐபிஎல் 2021: கொல்கத்தா நைட் ரைடர்ஸ் vs சன்ரைசர்ஸ் ஹைதராபாத் - போட்டி முன்னோட்டம் & ஃபேண்டஸி லெவன்!

ஐபிஎல் தொடரில் நாளை இரவு நடைபெறும் 49ஆவது லீக் ஆட்டத்தில் கொல்கத்தா நைட் ரைடர்ஸ் - சன்ரைசர்ஸ் ஹைதராபாத் அணிகள் பலப்பரீட்சை நடத்துகின்றன.

போட்டி தகவல்கள் 

• மோதும் அணிகள் - கொல்கத்தா நைட் ரைடர்ஸ் vs சன்ரைசர்ஸ் ஹைதராபாத் 
• நேரம் - இரவு 7.30 மணி
• இடம் - துபாய் சர்வதேச கிரிக்கெட் மைதானம்

போட்டி முன்னோட்டம்

ஈயன் மோர்கன் தலைமையிலான கொல்கத்தா நைட் ரைடர்ஸ் இனிவரும் அனைத்து போட்டிகளிலும் வெற்றிபெற்றால் மட்டுமே பிளே ஆஃப் சுற்றுக்கு முன்னேற முடியும் என்ற கட்டாயத்தில் உள்ளது.

கேகேஆர் அணியின் பேட்டிங் வரிசையைப் பொறுத்தவரை வெங்கடேஷ் ஐயர், சுப்மன் கில், நிதீஷ் ராணா, ராகுல் திரிப்பாதி ஆகியோர் தொடர்ந்து அதிரடியாக விளையாடி வருகின்றனர். இருப்பினும் மிடில் ஆர்டரில் ரஸ்ஸல் இல்லாதது அணிக்கு சற்று பின்னடவை ஏற்படுத்தி  வருகிறது.

பந்துவீச்சில் வருண் சக்ரவர்த்தி, சுனில் நைரன், லோக்கி ஃபர்குசன் அணிக்கு கூடுதல் பலத்தை கொடுத்துள்ளனர். இதனால் நிச்சயம் கேகேஆர் அணி இப்போட்டியில் வெற்றிபெறும் என்ற எதிர்பார்ப்பு அதிகரித்துள்ளது. 

கேன் வில்லியம்சன் தலைமையிலான சன்ரைசர்ஸ் ஹைதராபாத் அணி நடப்பு சீசன் பிளே ஆஃப் சுற்றுக்கான போட்டியிலிருந்து வெளியேறிவிட்டது. இதனால் அந்த அணி இனி வரும் போட்டிகளில் சிறப்பாக செயல்பட்டு புள்ளிப்பட்டியலில் முன்னேற வழிசெய்யும் என்று எதிர்பார்க்கப்படுகிறது. 

நேருக்கு நேர்

• மோதிய ஆட்டங்கள் - 10
• கேகேஆர் வெற்றி - 13
• எஸ்ஆர்எச் வெற்றி - 7

உத்தேச அணி

கொல்கத்தா நைட் ரைடர்ஸ் - சுப்மான் கில், வெங்கடேஷ் ஐயர், ராகுல் திரிபாதி, ஈயான் மோர்கன் (கே), நிதிஷ் ராணா, தினேஷ் கார்த்திக், டிம் செய்ஃபர்ட்/ ஷகிப் அல் ஹசன், சுனில் நரைன், சிவம் மாவி, டிம் சவுத்தி/ பென் கட்டிங், வருண் சக்கரவர்த்தி.

சன்ரைசர்ஸ் ஹைதராபாத் - ஜேசன் ராய், விருத்திமான் சாஹா, கேன் வில்லியம்சன் (கே), பிரியம் கார்க், அபிஷேக் சர்மா, அப்துல் சமத், ஜேசன் ஹோல்டர், ரஷித் கான், புவனேஸ்வர் குமார், சித்தார்த் கவுல், சந்தீப் சர்மா.

ஃபேண்டஸி லெவன்

• விக்கெட் கீப்பர்கள் - விருத்திமான் சாஹா, தினேஷ் கார்த்திக்
• பேட்டர்ஸ் - ஜேசன் ராய், ராகுல் திரிபாதி, நிதிஷ் ராணா
• ஆல் -ரவுண்டர்கள் - ஜேசன் ஹோல்டர், சுனில் நரைன், வெங்கடேஷ் ஐயர்
• பந்துவீச்சாளர்கள் - ரஷித் கான், சந்தீப் சர்மா, வருண் சக்கரவர்த்தி