”Luckily, Dinesh Karthik is born in India,” Salman Butt hails the veteran batter (Image Source: Google)
தற்போது 37 வயதான தமிழக வீரர் தினேஷ் கார்த்திக் இந்திய கிரிக்கெட் அணியில் அண்மையில் கம்பேக் கொடுத்தார். டி20 கிரிக்கெட்டுக்கான அணியில் அவர் தவிர்க்க முடியாத பேட்ஸ்மேனாக உருவாகி உள்ளார். அவரது ரோல் ஆட்டத்தை முடித்து கொடுக்கும் ஃபினிஷர் பணி என்பது தெளிவாக உள்ளது.
அதற்கு ஏற்ற வகையில் அவரும் சிறப்பாக விளையாடி வருகிறார். அதிலும் வெஸ்ட் இண்டீஸ் அணிக்கு எதிரான முதல் டி20 போட்டியில் 19 பந்துகளில் 41 ரன்களை சேர்த்து அசத்தினார். மேலும் அப்போட்டியின் ஆட்டநாயகன் விருதையும் வென்றார்.
அவரது கம்பேக் குறித்து கிரிக்கெட் உலகின் ஜாம்பவான்கள் தொடங்கி முன்னாள் வீரர்கள் வரை அனைவரும் புகழ்ந்துள்ளனர். அதில் தற்போது முன்னாள் பாகிஸ்தான் அணியின் கேப்டன் சல்மான் பட்டும் இணைந்துள்ளார்.
