MI Cape Town vs Joburg Super Kings Dream11 Prediction: தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் மூன்றாவது சீசன் விறுவிறுப்பாக நடைபெற்று வருகிறது. இதில் இன்று நடைபெறும் 13ஆவது லீக் ஆட்டத்தில் ஜோபர்க் சூப்பர் கிங்ஸ் மற்றும் மும்பை இந்தியன்ஸ் கேப்டவுன் அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டி கேப்டவுனில் உள்ள நியூலேண்ட்ஸ் கிரிக்கெட் மைதானத்தில் நடைபெறவுள்ளது..
இத்தொடரில் ஜோபர்க் சூப்பர் கிங்ஸ் அணி விளையாடிய மூன்று போட்டிகளில் இரண்டு வெற்றி, ஒரு முடிவில்லை என 10 புள்ளிகளுடன் புள்ளிப்பட்டியலின் முதலிடத்தைப் பிடித்து அசத்தியுள்ளது . அதேசமயம் மும்பை இந்தியன்ஸ் கேப்டவுன் அணி விளையாடிய 4 போட்டிகளில் இரண்டு வெற்றி, ஒரு தோல்வி, ஒரு முடிவில்லை என 9 புள்ளிகளைப் பெற்று புள்ளிப்பட்டியலின் இரண்டாம் இடத்தில் உள்ளது. புள்ளிப்பட்டிளில் அடுத்தடுத்த இடங்களில் உள்ள அணிகள் நேருக்கு நேர் மோதவுள்ள காரணத்தால் இப்போட்டியில் எந்த அணி வெற்றிபெற்று முன்னேறும் என்ற எதிர்பார்ப்புகள் அதிகரித்துள்ளன.
MICT vs JSK, SA20 2025: போட்டி தகவல்கள்
- மோதும் அணிகள் - ஜோபர்க் சூப்பர் கிங்ஸ் vs மும்பை இந்தியன்ஸ் கேப்டவுன்
- இடம் - நியூலேண்ட்ஸ் கிரிக்கெட் மைதானம், கேப்டவுன்
- நேரம் - ஜனவரி 18, இரவு 9.00 மணி (இந்திய நேரப்படி)
