சால்ட்டுடன் மோதலில் ஈடுபட்ட முகமது சிராஜ்; வைரல் காணொளி!
ஆர்சிபி - டெல்லி அணிகளுக்கு இடையேயான போட்டியின் போது ஆர்சிபி விரர் முகமது சிராஜ், பிலிப் சால்டிடம் மோதலில் ஈடுபட்ட சம்பவம் பரபரப்பை ஏற்படுத்தியுள்ளது.
இப்போட்டியில் விராட் கோலி, மஹிபால் லோமரோர் அரைசதம் அடிக்க, ஆர்சிபி அணி 20 ஓவர் முடிவில் 4 விக்கெட்டுக்கு 181 ரன்கள் எடுத்துள்ளது. இதையடுத்து 182 ரன்கள் எடுத்தால் வெற்றி என்ற இலக்குடன் களமிறங்கிய டெல்லி அணி வீரர்கள், ஆர்சிபி பந்துவீச்சை பிரித்து மேய்ந்தனர்.
Trending
டேவிட் வார்னர் 14 பந்தில் 22 ரன்கள் சேர்க்க, பில் சால்ட் , ஆர்சிபி பந்துவீச்சை துவைத்தார். குறிப்பாக, நடப்பு சீசனில் முகமது சிராஜ் பவர்பிளேவில் சிறப்பாக பந்துவீச, இன்றைய ஆட்டத்தில், அவருடைய பந்தில் பவுண்டரிகளதக பறந்தது. இதனால் 4.2ஆவது ஓவரில் எல்லாம் டெல்லி அணி 50 ரன்கள் எடுத்தது.
சிராஜ் வீசிய ஆட்டத்தின் 5ஆவது ஓவரில் , பில் சால்ட் 2 சிக்சர் மற்றும் பவுண்டரி அடித்தார். இதனால் கடுப்பான சிராஜ், ஒரு ஷாட் பாலை போட்டு ஃபில் சால்டிடம் வம்பிழுத்தார். இருவரும், வாக்குவாதத்தில் ஈடுபட, இதனை எதிர்முனையில் நின்று பார்த்து கடுப்பான வார்னர், சிராஜிடம் தட்டி கேட்டார்.
அப்போது, சிராஜ் வார்னரிடம் ஏதோ கூற, பில் சால்ட்டிடம் வாயை மூடிக் கொண்டு பேட்டிங் செய் என்று கோபமாக பேசினார். இதனால் ஆடுகளத்தில் பரபரப்பு நிலவியது. பில் சால்ட் மீது எந்த தவறும் இல்லாத நிலையில், சிராஜ் தான் தேவையில்லாமல் சண்டை போட்டதாக ரசிகர்கள் குற்றஞ்சாட்டி உள்ளனர்.
That's really unnecessary attitude from Siraj #RCBvsDC pic.twitter.com/NrP1vOKb1u
— aqqu who (@aq30__) May 6, 2023
அதன்பின் நடந்த கதையே வேறு. ஏனெனில் அதன்பின் தனது ஆக்ரோஷமான ஆட்டத்தை வெளிப்படுத்திய பிலிப் சால்ட் 23 பந்துகளில் அரைசதம் கடந்ததுடன், ஆர்சிபி அணியின் அனைத்து பந்துவீச்சாளர்களையும் பிரித்து மேய்ந்து துவம்சம் செய்து வருகிறார்.
Win Big, Make Your Cricket Tales Now
