பாகிஸ்தானில் மீண்டும் சுற்றுப்பயணம் மேற்கொள்ளும் நியூசிலாந்து!

19 வருடங்களாக பாகிஸ்தானுக்குச் சுற்றுப்பயணம் செய்யாத நியூசிலாந்து அணி ஐந்து மாத இடைவெளியில் இருமுறை சுற்றுப்பயணம் செய்யவுள்ளது.

By Bharathi Kannan
Oct 10, 2022 • 01:10 PM

New Zealand To Play Two Tests And White-Ball Series In Pakistan (Image Source: Google)

நியூசிலாந்து அணி இந்த வருட டிசம்பர் இறுதியிலும் ஜனவரி தொடக்கத்திலும் பாகிஸ்தானில் இரு டெஸ்டுகளிலும் அதே ஜனவரியில் 3 ஒருநாள் போட்டிகளிலும் விளையாடவுள்ளது.

அதன்பிறகு ஐபிஎல் நடைபெறும் ஏப்ரல், மே மாதங்களில் பாகிஸ்தானுக்கு மீண்டும் சுற்றுப்பயணம் செய்து 5 ஒருநாள், 5 டி20 ஆட்டங்களில் நியூசிலாந்து அணி விளையாடவுள்ளது.

கடந்த செப்டம்பர் 2021ஆம் ஆண்டில் பாகிஸ்தானில் ஒருநாள் தொடரை ரத்து செய்த காரணத்தால் அதை ஈடு கட்டும் விதமாக ஏப்ரல், மே மாதங்களில் மீண்டும் சுற்றுப்பயணம் செய்து விளையாடுகிறது நியூசிலாந்து அணி.

கடைசியாக 2003 நவம்பரில் பாகிஸ்தானுக்குச் சுற்றுப்பயணம் செய்தது நியூசிலாந்து. அதன்பின் தற்போது 19 ஆண்டுகளுக்கு பிறகு நியூசிலாந்து அணி பாகிஸ்தான் செல்லவுள்ளதாக இத்தொடரின் மீதான எதிர்பார்ப்பு அதிகரித்துள்ளது.

நியூசிலாந்தின் பாகிஸ்தான் சுற்றுப்பயணம்