ஐபிஎல் 2025: முழு உடற்தகுதியை எட்டிய நிதீஷ் ரெட்டி!
எதிர்வரும் ஐபிஎல் தொடருக்கு முன்னதாக சன்ரைசர்ஸ் ஹைதராபாத் அணியின் நட்சத்திர ஆல் ரவுண்டர் நிதீஷ் ரெட்டி முழு உடற்தகுதியை எட்டியுள்ளதாக தகவல் வெளியாகியுள்ளது.
இந்நிலையில் இத்தொடருக்கு முன்னதாக சன்ரைசர்ஸ் ஹைதராபாத் ரசிகர்களை மகிழ்விக்கும் செய்தி வெளியாகியுள்ளது. அதன்படி அந்த அணியின் நட்சதிர ஆல் ரவுண்டர் நிதீஷ் ரெட்டி காயத்தில் இருந்து மீண்டு முழு உடற்தகுதியை எட்டியுள்ளதாக தகவல் வெளியாகியுள்ளது. இதுதவிர்த்து அவர் தேசிய கிரிக்கெட் அகாடமியில் நடத்தப்பட்ட உடற்தகுதி தேர்விலும் சிறப்பாக செயல்பட்டுள்ளதாகவும், இதனால் இந்த ஐபிஎல் தொடரில் அவர் விளையாடுவார் என்றும் தகவல்கள் தெரிவிக்கின்றன.
முன்னதாக 21 வயதான நிதிஷ் குமார் ரெட்டி சமீபத்தில் இங்கிலாந்துக்கு எதிரான ஐந்து போட்டிகள் கொண்ட டி20 தொடருக்கான இந்திய அணியில் தேர்வு செய்யப்பட்டிருந்தார். ஆனால் தொடருக்கு முன்னர் பயிற்சியின் போது அவர் காயத்தை சந்தித்தன் காரணமாக இந்த டி20 தொடரில் இருந்து விலகினார். இந்நிலையில் அவர் மீண்டும் உடற்தகுதியை பெற்றிருப்பது சன்ரைசர்ஸ் அணி ரசிகர்களை மட்டுமின்றி, இந்திய ரசிகர்களையும் மகிழ்ச்சியில் ஆழ்த்தியுள்ளது குறிப்பிடத்தக்கது.
ஏனெனில் கடந்த ஐபிஎல் தொடரில் அபாரமான ஆட்டத்தை வெளிப்படுத்திய நிதீஷ் ரெட்டிக்கு இந்திய அணியில் அறிமுகமாகும் வாய்ப்பு கிடைத்தது. அதன்படி இந்திய அணிக்காக இதுவரை 5 டெஸ்ட் போட்டிகளில் ஒரு சதத்துடன் 298 ரன்களையும், 5 விக்கெட்டுகளையும் வீழ்த்தியுள்ளார். மேற்கொண்டு டி20 தொடரில் 4 போட்டிகளில் ஒரு அரைசதத்துடன் 90 ரன்களையும், 3 விக்கெட்டுகளையும் கைப்பற்றியுள்ளார் என்பது குறிப்பிடத்தக்கது.
Also Read: Funding To Save Test Cricketசன்ரைசர்ஸ் ஹைதராபாத்: பாட் கம்மின்ஸ் (கேப்டன்), டிராவிஸ் ஹெட், அபிஷேக் சர்மா, ஹென்ரிச் கிளாசென், நிதிஷ் ரெட்டி, இஷான் கிஷன், முகமது ஷமி, ஹர்சல் படேல், ராகுல் சாஹர், ஆடம் ஜம்பா, அதர்வா டைடே, அபினவ் மனோகர், சிமர்ஜீத் சிங், ஜீஷன் அன்சாரி, ஜெய்தேவ் உனத்கட், வியான் முல்டர்*, கமிந்து மெண்டிஸ், அனிகேத் வர்மா, ஈஷான் மலிங்கா, சச்சின் பேபி.
Advertisement
Win Big, Make Your Cricket Tales Now
கிரிக்கெட்: Tamil Cricket News
