NZ vs ENG 1st test, Day 4: Southee six-fer secures 103-run lead for NZ after Burns ton (Image Source: Google)
இங்கிலாந்து - நியூசிலாந்து இடையேயான முதல் டெஸ்ட் போட்டி கடந்த 2ஆம் தேதி லண்டனிலுள்ள லார்ட்ஸ் கிரிக்கெட் மைதானத்தில் தொடங்கி நடந்துவருகிறது. இப்போட்டியில் டாஸ் வென்று முதலில் பேட்டிங் ஆடிய நியூசிலாந்து அணி, தொடக்க வீரர் கான்வேவின் இரட்டை சதத்தால் முதல் இன்னிங்ஸில் 378 ரன்களை குவித்தது.
இதையடுத்து இங்கிலாந்து அணி முதல் இன்னிங்ஸை தொடங்கியது. இதில் 3ஆம் நாளான நேற்றைய ஆட்டம் மழை காரணமாக பாதிக்கப்பட்டது. இதைத்தொடர்ந்து நான்காம் நாளான இன்றைய ஆட்டத்தில் இங்கிலாந்து வீரர்கள் மளமளவென ஆட்டமிழந்தனர்.
இங்கிலாந்து அணியின் தொடக்க வீரர் ரோரி பர்ன்ஸ் மட்டும் நிலைத்து நிற்க, மற்ற வீரர்கள் மறுமுனையில் அடுத்தடுத்து ஆட்டமிழந்தனர். நியூசிலாந்து அணி தரப்பில் டிம் சௌதி அபாரமாக பந்து வீசி இங்கிலாந்து அணி பேட்ஸ்மேன்களை நிலை குழையச் செய்தார்.
