NZ vs SA,2nd Test: தென் ஆப்பிரிக்க பந்துவீச்சில் தடுமாறும் நியூசிலாந்து!

தென் ஆப்பிரிக்காவுக்கு எதிரான 2ஆவது டெஸ்டில் தோல்வியடையும் நிலையில் உள்ளது நியூசிலாந்து அணி.

கிறிஸ்ட்சர்ச்சில் நடைபெற்று வரும் 2ஆவது டெஸ்டில் முதலில் பேட்டிங் செய்த தென்னாப்பிரிக்க அணி, 133 ஓவர்களில் 364 ரன்களுக்கு ஆட்டமிழந்தது. எர்வீ 108 ரன்கள் எடுத்தார். மேட் ஹென்றி 3 விக்கெட்டுகளையும் வாக்னர் 4 விக்கெட்டுகளையும் வீழ்த்தினார்கள். 

அதைத்தொடர்ந்து நியூசிலாந்து அணி முதல் இன்னிங்ஸில் 80 ஓவர்களில் 293 ரன்களுக்கு ஆட்டமிழந்தது. மிட்செல் 60, காலின் டி கிராண்ட்ஹோம் 120 ரன்கள் எடுத்தார்கள். ரபாடா 5 விக்கெட்டுகளையும் ஜான்சென் 4 விக்கெட்டுகளையும் வீழ்த்தினார்கள். 

தென் ஆப்பிரிக்க அணி 2ஆவது இன்னிங்ஸிலும் சிறப்பாக விளையாடி 100 ஓவர்களில் 9 விக்கெட் இழப்புக்கு 354 ரன்கள் எடுத்து டிக்ளேர் செய்தது. விக்கெட் கீப்பர் கைல் வெர்ரெய்ன் 136 ரன்களும், ரபாடா 47 ரன்களும் எடுத்தார்கள். இதனால் 2ஆவது டெஸ்டில் வெற்றி பெற்று தொடரை வெல்ல நியூசிலாந்து அணிக்கு 426 ரன்கள் இலக்கு நிர்ணயிக்கப்பட்டது.

அந்த அணி 4-ம் நாள் முடிவில் 42 ஓவர்களில் 4 விக்கெட்டுகளை இழந்து 94 ரன்களுடன் தடுமாறி வருகிறது. கான்வே 60 ரன்களுடனும் டாம் பிளெண்டல் 1 ரன்னுடனும் களத்தில் உள்ளார்கள். ரபாடா, மஹாராஜா தலா 2 விக்கெட்டுகளை எடுத்துள்ளார்கள். 

2ஆவது டெஸ்டில் வெற்றி பெற நியூசிலாந்து அணிக்குக் கைவசம் 6 விக்கெட்டுகள் மீதமுள்ள நிலையில் 332 ரன்கள் எடுக்க வேண்டியுள்ளது. இதனால் கடைசி நாளில் இந்த டெஸ்டை வென்று டெஸ்ட் தொடரை 1-1 என சமன் செய்வதற்கான வாய்ப்புகள் தென் ஆப்பிரிக்க அணிக்கு அதிகமாக உள்ளன. 

Win Big, Make Your Cricket Tales Now