ENG vs PAK, 5th T20I: தீவிர காய்ச்சல் காரணமாக் நஷீம் ஷா தொடரிலிருந்து விலகல்!
டி20 உலகக்கோப்பை தொடரு நெருங்கி வரும் வேளையில் பாகிஸ்தான் அணியின் இளம் வேகப்பந்துவீச்சாளர் நஷீம் ஷா தீவிர காய்ச்சல் காரணமாக மருத்துமனையில் அனுமதிக்கப்பட்டுள்ளது அந்த அணிக்கு பெரும் நெருக்கடியை ஏற்படுத்தியுள்ளது.
ஒருபுறம் இந்திய அணி ஆஸ்திரேலியாவுடனான டி20 தொடரை கைப்பற்றிய சூழலில் அடுத்ததாக தென்னாப்பிரிக்க தொடரில் பங்கேற்கிறது. மற்றொரு புறம் இந்தியாவின் பரம எதிரியான பாகிஸ்தான் அணி இங்கிலாந்து அணியுடன் 7 டி20 போட்டிகள் கொண்ட நெடுந்தொடரில் பங்கேற்றுள்ளது. இந்நிலையில் இந்த தொடரில் தான் பெரும் பின்னடைவை பாகிஸ்தான் சந்தித்துள்ளது.
Trending
பாகிஸ்தான் அணியின் முன்னணி வேகப்பந்துவீச்சாளராக பார்க்கப்படும் நஷீம் ஷா மருத்துவமனையில் அனுமதிக்கப்பட்டிருக்கிறார். இங்கிலாந்து தொடரின் போது நசீம் ஷாவுக்கு தொடர்ச்சியாக உடல்நலக்குறைவு ஏற்பட்டிருக்கிறது. அவரை பரிசோதனை செய்து பார்த்தபோது காய்ச்சல் இருப்பதாகவும், ஆனால் அது சாதாரணமான ஒன்று அல்ல எனவும் கண்டறிந்தனர்.
இதனையடுத்து நசீம் ஷா உடனடியாக மருத்துவமனைக்கு கொண்டு செல்லப்பட்டுள்ளார். அங்கு அவருக்கு டைப்பாய்ட், டெங்கு உள்ளிட்ட பலவிதமான பரிசோதனைகள் செய்யப்பட்டுள்ளன. அதன் முடிவை வைத்து தான் அவர் குணமடைய எத்தனை நாட்கள் ஆகும் என்பது தெரியவரும்.
நசீம் ஷா தீவிர காய்ச்சலால் ஒருவேளை பாதிக்கப்பட்டால், பாகிஸ்தான் அணிக்கு இங்கிலாந்து தொடர் மட்டுமின்றி டி20 உலகக்கோப்பையிலும் பெரும் பின்னடைவாகும். காய்ச்சலால் பாதிக்கப்பட்ட வீரர் முழு உடற்தகுதியுடன் வருவாரா என்பது சந்தேகம் தான்.
எனவே இவர் இல்லாமல் பாகிஸ்தான் சமாளித்து ஆக வேண்டும். ஆசிய கோப்பையில் இந்திய அணிக்கு எதிராக நசீம் ஷா பெரும் தாக்கத்தை ஏற்படுத்தினார் என்பது குறிப்பிடத்தக்கது.
Win Big, Make Your Cricket Tales Now
