18 ஆண்டுகளுக்கு பிறகு பாகிஸ்தானில் தரையிறங்கிய நியூசிலாந்து வீரர்கள்!

நியூசிலாந்து கிரிக்கெட் அணி 18 ஆண்டுகளுக்குப் பிறகு பாகிஸ்தானில் சுற்றுப்பயணம் மேற்கொண்டுள்ளதால் இத்தொடர் மீதான எதிர்பார்ப்பு அதிகரித்துள்ளது.

PAK vs NZ: New Zealand Cricket Team Arrives In Pakistan For First Tour In 18 Years (Image Source: Google)

டாம் லேதம் தலைமையிலான நியூசிலாந்து அணி 18 ஆண்டுகளுக்குப் பிறகு பாகிஸ்தானில் சுற்றுப்பயணம் மேற்கொண்டு 3 ஒருநாள், 5 டி20 போட்டிகள் கொண்ட தொடரில் விளையாடவுள்ளது.

இந்நிலையில் இத்தொடரில் பங்கேற்பதற்கான நியூசிலாந்து அணி இன்று கராச்சி வந்தடைத்தனர். இதன்மூலம் 2003ஆம் ஆண்டிற்கு பிறகு நியூசிலாந்து அணி முதல் முறையாக பாகிஸ்தானில் வந்திறங்கியுள்ளது.

மேலும் நியூசிலாந்து அணியின் மார்டின் கப்தில், டேரியல் மிட்செல், இஷ் சோதி, டாட் ஆஷ்டிலே, மார்க் சாப்மேன் ஆகியோர் நாளைய தினம் பாகிஸ்தான் வந்தடைவார்கள் என்று எதிர்பார்க்கப்படுகிறது. 

முன்னதாக கடந்த 2003ஆம் ஆண்டு நடைபெற்ற ஒருநாள் தொடருக்காக நியூசிலாந்து அணி பாகிஸ்தான் சென்றிருந்தது. பின் 2009ஆம் ஆண்டு நடைபெற்ற கடாஃபி குண்டுவெடிப்பிற்கு பிறகு பாகிஸ்தானில் சுற்றுப்பயணம் மேற்கொள்ளும் எண்ணத்தை அனைத்து அணிகளும் கைவிட்டனர். 

பின் கடந்தாண்டு இலங்கை அணி பாகிஸ்தானுடன் சுற்றுப்பயணம் செய்து மூன்று வடிவிலான கிரிக்கெட் தொடரிலும் விளையாடியது. இதன் காரணமாக மற்ற நாடுகளைச் சேர்ந்த அணிகளும் பாகிஸ்தானில் சுற்றுப்பயணம் மேற்கொள்ள ஆர்வம் காட்டிவருவது குறிப்பிடத்தக்கது.

Win Big, Make Your Cricket Tales Now