WI vs PAK : 4 போட்டிகளாக குறைக்கப்பட்ட டி20 தொடர்!

வெஸ்ட் இண்டீஸ் - பாகிஸ்தான் அணிகளுக்கு இடையே முடிவுசெய்யப்பட்ட 5 போட்டிகள் கொண்ட டி20 தொடரை 4 போட்டிகளாக குறைப்பதாக வெஸ்ட் இண்டீஸ் கிரிக்கெட் வாரியம் முடிவுசெய்துள்ளது.

Pakistan's T20I Series Against West Indies Reduced To Four Matches (Image Source: Google)

பாபர் அசாம் தலைமையிலான பாகிஸ்தான் அணி அடுத்த மாதம் வெஸ்ட் இண்டீஸில் சுற்றுப்பயணம் மேற்கொண்ட், 2 டெஸ்ட், 5 டி20 போட்டிகளில் விளையாடுவதாக இருந்தது. 

இந்நிலையில் வெஸ்ட் இண்டீஸ் அணி ஆஸ்திரேலிய அணிக்கெதிராக 3 ஒருநாள், 5 டி20 போட்டிகள் அடங்கிய தொடரில் விளையாடுகிறது. இதில் டி20 தொடரை 4-1 என்ற கணக்கில் கைப்பற்றிய வெஸ்ட் இண்டீஸ் அணி, ஒருநாள் தொடரில் 1-1 என்ற கணக்கில் சமநிலையில் உள்ளது. 

இதற்கிடையில் ஒருநாள் தொடரின் போது வெஸ்ட் இண்டீஸ் அணியைச் சேர்ந்த ஊழியர் ஒருவருக்கு கரோனா உறுதிசெய்யப்பட்டு, பின்னர் அனைவரும் தனிமைப்படுத்தப்பட்டனர். இதன் காரணமாக இரண்டாவது ஒருநாள் போட்டி டாஸ் போடப்பட்ட நிலையில், ஒத்திவைக்கப்பட்டு, நேற்று நடைபெற்றது.

இந்நிலையில் கரோனா அச்சுறுத்தல் காரணமாக 5 போட்டிகள் கொண்ட டி20 தொடரை 4 போட்டிகளாக குறைப்பதாக வெஸ்ட் இண்டீஸ் கிரிக்கெட் வாரியம் அறிவித்துள்ளது. இதற்கு பாகிஸ்தான் கிரிக்கெட் வாரியமும் ஒப்புதல் தந்துள்ளது. 

அதன்படி இரு அணிகளுக்கும் இடையேயான 4 போட்டிகள் கொண்ட டி20 தொடர் ஜூலை 28ஆம் தேதி நடைபெறும் என்றும், மீதமுள்ள 3 போட்டிகளும் முன்னர் குறிப்பிட்ட தேதிகளில் நடைபெறும் என்றும் வெஸ்ட் இண்டீஸ் கிரிக்கெட் வாரியம் அறிவித்துள்ளது. 

Win Big, Make Your Cricket Tales Now