பஞ்சாப் கிங்ஸ் vs ராயல் சேலஞ்சர்ஸ் பெங்களூரு - அணிகள் ஓர் அலசல்!

ஐபிஎல் தொடரில் இன்று நடைபெறும் லீக் போட்டியில் பஞ்சாப் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன.

பஞ்சாப் கிங்ஸ் vs ராயல் சேலஞ்சர்ஸ் பெங்களூரு - அணிகள் ஓர் அலசல்! (Image Source: Google)

ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 37ஆவது லீக் போட்டியில் ஸ்ரேயாஸ் ஐயர் தலைமையிலான பஞ்சாப் கிங்ஸ் மற்றும் ராஜத் படிதார் தலைமையிலான ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது சண்டிகரில் உள்ள மகாராஜா யாதவீந்திர சிங் சர்வதேச கிரிக்கெட் மைதானத்தில் நடைபெறவுள்ளது. நடப்பு ஐபிஎல் தொடரில் இவ்விரு அணிகளும் மோதிய முதல் போட்டியில் பஞ்சாப் கிங்ஸ் அணி வெற்றி பெற்று அசத்திய நிலையில், அதற்கு ஆர்சிபி அணி இப்போட்டியில் பதிலடியைக் கொடுக்குமா என்ற எதிர்பார்ப்புகள் அதிகரித்துள்ளன. இந்நிலையில் இரு அணிகளின் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.

பஞ்சாப் கிங்ஸ்

ஸ்ரேயஸ் ஐயர் தலைமையிலான பஞ்சாப் கிங்ஸ் அணி நடப்பு ஐபிஎல் தொடரில் இதுவரை விளையாடிய 7 போட்டிகளில் 5 வெற்றி, 2 தோல்விகளுடன் 10 புள்ளிகள் பெற்று பட்டியலில் 3ஆவது இடத்தில் உள்ளது. அதிலும் குறிப்பாக கடந்த போட்டியில் அந்த அணி ஆர்சிபி அணியை அதன் சொந்த மண்ணிலேயே வீழ்த்திய உத்வேகத்துடன் இப்போட்டியை எதிர்கொள்ளவுள்ளது. 

அணியின் பேட்டிங்கைப் பொறுத்தவரையில் பஞ்சாப்பிடம் எந்த பிரச்சனையும் இல்லாத நிலையில், பந்துவீச்சு துறையும்ம் தற்போது ஃபார்முக்கு திரும்பியுள்ளது. அதிலும் குறிப்பாக அணியின் நட்சத்திர பந்துவீச்சாளர் யுஸ்வேந்திர சஹால் ஃபார்மிற்கு திரும்பியுள்ளது அணிக்கு பெரும் பலமாக பார்க்கப்படுகிறது. இதனால் அந்த அணி இன்றைய ஆட்டத்திலும் ஆதிக்கம் செலுத்தும் என எதிர்பார்க்கப்படுகிறது. 

பஞ்சாப் கிங்ஸ் உத்தேச லெவன்: பிரியன்ஸ் ஆர்யா, பிரப்சிம்ரன் சிங் (விக்கெட் கீப்பர்), ஸ்ரேயாஸ் ஐயர் (கேப்டன்), நேஹல் வதேரா, ஷஷாங்க் சிங், கிளென் மேக்ஸ்வெல், மார்கஸ் ஸ்டோனிஸ், மார்கோ ஜான்சன், அர்ஷ்தீப் சிங், யுஸ்வேந்திர சாஹல், வைஷாக் விஜய்குமார்.

ராயல் சேலஞ்சர்ஸ் பெங்களூரு

ரஜத் பட்டிதார் தலைமையிலான ஆர்சிபி அணியானது இந்த ஐபிஎல் தொடரில் 4 வெற்றிகள், 3 தோல்விகள் என 8 புள்ளிகளுடன் புள்ளிப்பட்டியலின் 5ஆம் இடத்தில் உள்ளது. அணியின் பேட்டிங்கில் விராட் கோலி, பில் சால்ட், ராஜத் படிதர், லிவிங்ஸ்டோன் மற்றும் டிம் டேவிட் ஆகியோர் இருக்கும் நிலையில் இவர்கள் ஒரு சேர ரன்களைச் சேர்க்க தவறிவருவது அணிக்கு சற்று பின்னடைவாகவே பார்க்கப்படுகிறது. 

மறுபக்கம் பந்துவீச்சைப் பொறுத்த மட்டில் புவனேஷ்வர் குமார், ஜோஷ் ஹேசில்வுட் ஆகியோருடன் குர்னால் பாண்டியா, யாஷ் தயாளும் சிறப்பாக செயல்பட்டு வருகின்றனர். அவர்களுடன் சுயாஷ் சர்மாவும் ஃபார்முக்கு திரும்பியுள்ளது அணிக்கு பெரும் பலமாக பார்க்கப்படுகிறது. இருப்பினும் அந்த அணி சொந்த மண்ணிலேயே தோல்வியைத் தழுவிய கையோடு இப்போட்டியை எதிர்கொள்வதால், இதில் வெற்றிபெறுமா என்ற எதிர்பார்ப்புகள் அதிகரித்துள்ளன.

ராயல் சேலஞ்சர்ஸ் பெங்களூரு உத்தேச லெவன் : பில் சால்ட், விராட் கோலி, தேவ்தத் படிக்கல், ரஜத் படிதார் (கேப்டன்), லியாம் லிவிங்ஸ்டோன், ஜிதேஷ் சர்மா (விக்கெட் கீப்பர்), க்ருனால் பாண்டியா, டிம் டேவிட், புவனேஷ்வர் குமார், ஜோஷ் ஹேசில்வுட், யாஷ் தயாள்.

நேருக்கு நேர்

• மோதிய போட்டிகள் - 34
• ராயல் சேலஞ்சர்ஸ் பெங்களூரு - 16
• பஞ்சாப் கிங்ஸ் - 18

ஃபேண்டஸி லெவன் டிப்ஸ்

• விக்கெட் கீப்பர் - பில் சால்ட்
• பேட்ஸ்மேன்கள் - விராட் கோலி (கேப்டன்), ஸ்ரேயாஸ் ஐயர், ரஜத் படிதார், நேஹால் வதேரா, பிரியான்ஷ் ஆர்யா
• ஆல்ரவுண்டர் - மார்கோ ஜான்சன் (துணை கேப்டன்)
• பந்து வீச்சாளர்கள் - புவனேஷ்வர் குமார், ஜோஷ் ஹேசில்வுட், யுஸ்வேந்திர சாஹல், அர்ஷ்தீப் சிங்.