PAK vs WI: வெஸ்ட் இண்டீஸுக்கு புதிய கேப்டன்கள் நியமனம்!

காயம் காரணமாக பாகிஸ்தான் சுற்றுப்பயணத்திலிருந்து கேப்டன் பொல்லார்ட் விலகியதால் வெஸ்ட் இண்டீஸ் ஒருநாள், டி20 அணிகளுக்குப் புதிய கேப்டன்கள் நியமிக்கப்பட்டுள்ளார்கள்.

Pooran, Hope to lead West Indies in Pakistan after injury forces Pollard out (Image Source: Google)

வெஸ்ட் இண்டீஸ் அணி, பாகிஸ்தானுக்குச் சுற்றுப்பயணம் செய்து 3 ஒருநாள், 3 டி20 போட்டிகளில் பங்கேற்கிறது. அதன்படி டி20 தொடர் டிசம்பர் 13இல் ஆரம்பிக்கிறது. ஒருநாள் தொடர் டிசம்பர் 22இல் நிறைவுபெறுகிறது. 

இத்தொடரின் அனைத்து போட்டிகளும் கராச்சியில் நடைபெறுகின்றன. மேலும் இத்தொடருக்கான வெஸ்ட் இண்டீஸ் அணியும் சமீபத்தில் அறிவிக்கப்பட்டது.

இந்நிலையில், டி20 உலகக் கோப்பைப் போட்டியின்போது ஏற்பட்ட காயம் காரணமாக பாகிஸ்தான் சுற்றுப்பயணத்திலிருந்து வெஸ்ட் இண்டீஸ் கேப்டன் பொலார்ட் விலகியுள்ளார். 

இதையடுத்து வெஸ்ட் இண்டீஸ் ஒருநாள், டி20 அணிகளுக்குப் புதிய கேப்டன்கள் நியமிக்கப்பட்டுள்ளார்கள். அதன்படி ஒருநாள் அணிக்கு ஷாய் ஹோப்பும், டி20 அணிக்கு நிகோல்ஸ் பூரனும் கேப்டன்களாக அறிவிக்கப்பட்டுள்ளார்கள். 

மேலும்ம் ஷாய் ஹோப் முதல்முறையாக ஒருநாள் கேப்டனாகச் செயல்படவுள்ளார். பூரன் தலைமையில் சமீபத்தில் சொந்த மண்ணில் ஆஸ்திரேலியாவுக்கு எதிராக விளையாடிய வெஸ்ட் இண்டீஸ் அணி, 4-1 எனத் தொடரை வென்றது குறிப்பிடத்தக்கது.

Win Big, Make Your Cricket Tales Now