பிஎஸ்எல் 2021: ஸஸாய், அஹ்மத் அபார ஆட்டத்தால் பெஸ்வர் ஸால்மி அசத்தல் வெற்றி!

பிஎஸ்எல் தொடரில் நேற்று நடைபெற்ற 24ஆவது லீக் ஆட்டத்தில் பெஸ்வர் ஸால்மி அணி 6 விக்கெட் வித்தியாசத்தில் கராச்சி கிங்ஸ் அணியை வீழ்த்தியது.

PSL 2021: Bowlers, Hazratullah Zazai Star In Peshawar Zalmi's 6 Wicket Win Over Karachi Kings (Image Source: Google)

அபுதாபில் நடைபெற்று வரும் பிஎஸ்எல் தொடரில் நேற்று நடைபெற்ற 24ஆவது லீக் ஆட்டத்தில் பெஸ்வர் ஸால்மி அணி, கராச்சி கிங்ஸ் அணியை எதிர்கொண்டது. இப்போட்டியில் டாஸ் வென்ற ஸால்மி அணி முதலில் பந்துவீச தீர்மானித்தது. 

அதன்படி களமிறங்கிய கராச்சி கிங்ஸ் அணியில் பாபர் அசாம் முதல் பந்திலேயே ஆட்டமிழந்தார். அவரைத் தொடர்ந்து களமிறங்கிய மார்டின் கப்தில், வால்டன், நஜிபுல்லா ஸட்ரான் ஆகியோரும் அடுத்தடுத்து சொற்ப ரன்களில் ஆட்டமிழந்து நடையைக் கட்டினர். 

இதனால் 20 ஓவர்கள் முடிவில் கராச்சி கிங்ஸ் அணி 9 விக்கெட் இழப்பிற்கு 108 ரன்களை மட்டுமே சேர்த்தது. ஸால்மி அணி தரப்பில் ரியாஸ், அப்ரர் அஹ்மது ஆகியோர் தலா 3 விக்கெட்டுகளைக் கைப்பற்றினர். 

இதையடுத்து எளிய இலக்கை நோக்கி களமிறங்கிய ஸால்மி அணியில் ஹஸ்ரதுல்லா ஸஸாய் அதிரடியாக விளையாடி அரைசதம் கடந்து அணியின் வெற்றிக்கு உதவினார். 

இதன்மூலம் 11 ஓவர்களிலேயே ஸால்மி அணி வெற்றி இலக்கை எட்டியது. இதனால் பெஸ்வர் ஸால்மி அணி 6 விக்கெட் வித்தியாசத்தில் கராச்சி கிங்ஸ் அணியை வீழ்த்தில் அபார வெற்றி பெற்றது. இப்போட்டியில் சிறப்பாக விளையாடி 63 ரன்களை குவித்த ஹஸ்ரதுல்லா ஸஸாய் ஆட்ட நாயகனாகத் தேர்வு செய்யப்பட்டார்.

Win Big, Make Your Cricket Tales Now