பிஎஸ்எல் 2021: லாகூர் கலந்தர்ஸை பந்தாடியது இஸ்லாமாபாத் யுனைடெட்!
பிஎஸ்எல் தொடரின் 20ஆவது லீக் ஆட்டத்தில் இஸ்லாமாபாத் யுனைடெட் அணி 28 ரன்கள் வித்தியாசத்தில் லாகூர் கலந்தர்ஸ் அணியை வீழ்த்தி அபார வெற்றிபெற்றது.
அபுதாபியில் நடைபெற்று வரும் பிஎஸ்எல் தொடரின் 20ஆவது லீக் ஆட்டத்தில் இஸ்லாமாபாத் யுனைடெட் அணி, லாகூர் கலந்தர்ஸ் அணியை எதிர்கொண்டது. ஒப்போட்டியில் டாஸ் வென்ற இஸ்லாமாபாத் யுனைடெட் அணி முதலில் பேட்டிங் செய்ய தீர்மானித்தது.
அதன்படி களமிறங்கிய அந்த அணியின் தொடக்க ஆட்டகாரர்கள் சொற்ப ரன்களில் ஆட்டமிழந்து ஏமாற்றமளித்தனர். அதன்பின் ஆறாவது விக்கெட்டுக்கு ஜோடி சேர்ந்த இஃப்திகார் அஹ்மத் - ஆசிப் அலி இணை அதிரடியாக விளையாடி அணியின் ஸ்கோரை உயர்த்தியது.
Trending
இதில் இஃப்திகர் அஹ்மத் 49 ரன்களில் ஆட்டமிழக்க, மறுமுனையில் அதிரடி ஆட்டத்தை வெளிப்படுத்தி வந்த ஆசிப் அலி அரைசதமடித்து அணிக்கு உதவினார். இதன் மூலம் 20 ஓவர்கள் முடிவில் இஸ்லாமாபாத் யுனைடெட் அணி 7 விக்கெட் இழப்பிற்கு 152 ரன்களை சேர்த்தது.
இதையடுத்து வெற்றி இலக்கை நோக்கி களமிறங்கிய லாகூர் கலந்தர்ஸ் அணிக்கு ஃபகர் ஸமான் - சொஹைல் அக்தர் இணை அதிரடியான ஆட்டத்தை வெளிப்படுத்து நல்ல அடித்தளத்தை அமைத்துக் கொடுத்தது.
இதில் ஃபகர் ஸ்மான் 44 ரன்களில் ஆட்டமிழக்க, அவரைத் தொடர்ந்து 34 ரன்களில் சொஹைல் அக்தரும் விக்கெட்டை இழந்தார். இதை தொடர்ந்து களமிறங்கிய வீரர்கள் அடுத்தடுத்து வந்த வேகத்திலேயே பெவிலியனுக்கு திரும்பினர்.
இதனால் 20 ஓவர்கள் முடிவில் லாகூர் கலந்தர்ஸ் அணி அனைத்து விக்கெட்டுகளையும் இழந்து 124 ரன்களை மட்டுமே சேர்த்தது. இஸ்லாமாபாத் அணி தரப்பில் முகமது முசா 3 விக்கெட்டுகளை கைப்பற்றினார். இதன் மூலம் இஸ்லாமாபாத் யுனைடெட் அணி 28 ரன்கள் வித்தியாசத்தில் லாகூர் கலந்தர்ஸ் அணியை வீழ்த்தி அபார வெற்றிபெற்றது.
Win Big, Make Your Cricket Tales Now
Cricket Scorecard
