பிஎஸ்எல் 2021: இஸ்லாமாபாத் அணிக்கு 181 ரன்களை இலக்காக்க நிர்ணயித்தது சுல்தான்ஸ்!
பிஎஸ்எல் தொடரின் தகுதிச்சுற்றுப் போட்டியில் முதலில் விளையாடிய முல்தான் சுல்தான்ஸ் அணி 181 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற முல்தான் சுல்தான்ஸ் அணி முதலில் பேட்டிங் செய்யத் தீர்மானித்து களமிறங்கியது. ஆனால் அந்த அணியின் கேப்டன் முகமது ரிஸ்வான் ரன் ஏதுமின்றி ஆட்டமிழந்து ஆரம்பத்திலேயே அதிர்ச்சியளித்தார்.
Trending
அதன்பின் ஜோடி சேர்ந்த ஷான் மசூத் - மக்சூத் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தியது. இதில் மசூத் 25 ரன்களில் ஆட்டமிழக்க, மறுமுனையில் அபாரமாக விளையாடிய மக்சூத் அரைசதம் கடந்தார்.
இறுதில் ஜான்சன் சார்லஸ், குஷ்டில் ஷா இணை பவுண்டரி, சிக்சர்கள் என பறக்கவிட்டு அசத்தியது. இதன் மூலம் 20 ஓவர்கள் முடிவில் முல்தான் சுல்தான்ஸ் அணி 5 விக்கெட் இழப்பிற்கு 180 ரன்களைச் சேர்த்தது. இதில் அதிகபட்சமாக மக்சூத் 59 ரன்களையும், குஷ்டில் ஷா 42 ரன்களையும் சேர்த்தனர்.
இதையடுத்து 181 ரன்கள் எடுத்தால் வெற்றி என்ற கடின இலக்குடன் இஸ்லாமாபாத் யுனைடெட் அணி பேட்டிங் செய்யவுள்ளது. மேலும் இப்போட்டியில் வெற்றிபெறும் அணி நேரடியாக இறுதிப் போட்டிக்கு முன்னேறும் என்பதும் குறிப்பிடத்தக்கது.
Win Big, Make Your Cricket Tales Now
