PSL 2023: இஃப்திகார், சர்ஃப்ராஸ் பொறுப்பான ஆட்டம்; பெஷாவருக்கு 155 டார்கெட்!
பெஷாவர் ஸால்மிக்கு எதிரான பிஎஸ்எல் லீக் ஆட்டத்தில் முதலில் பேட்டிங் செய்த குயிட்டா கிளாடியேட்டர்ஸ் அணி 155 ரன்களை இலக்காக நிர்ணயித்துள்ளது.
அதன்படி கராச்சியிலுள்ள தேசிய கிரிக்கெட் மைதானத்தில் நடைபெறும் இப்போட்டியில் டாஸ் வென்ற பெஷாவர் ஸால்மி அணி முதலில் பந்துவீச தீர்மானித்தது. இதையடுத்து களமிறங்கிய கிளாடியேட்டர்ஸ் அணியின் தொடக்க வீரர்கள் ஜேசன் ராய் மற்றும் மார்ட்டின் கப்தில் இணை நிதான ஆட்டத்தை வெளிப்படுத்தினர்.
Trending
பின் அதிரடி காட்ட தொடங்கிய சிறுது நேரத்திலேயே மார்ட்ட்டின் கப்தில் 12 ரன்களில் ஆட்டமிழக்க, அவரைத் தொடர்ந்து ஜேசன் ராயும் 14 ரன்களுக்கு விக்கெட்டை இழந்தார். அதைத்தொடர்ந்து களமிறங்கிய முகமது நவாஸும் 2 ரன்னுக்கு விக்கெட்டை இழந்தார்.
பின்னர் ஜோடி சேர்ந்த கேப்டன் சர்ஃப்ராஸ் அஹமத் - இஃப்திகார் அஹ்மத் இணை பொறுப்பான ஆட்டத்தை வெளிப்படுத்தி விக்கெட் இழப்பை தடுத்ததுடன் அணியின் ஸ்கோரையும் சீரான வேகத்தில் உயர்த்தினர்.
பின் அரைசதம் அடிப்பார் என எதிர்பார்க்கப்பட்ட சர்ஃப்ராஸ் அஹ்மத் 39 ரன்களில் ஆட்டமிழக்க, மறுமுனையில் இருந்த இஃப்திகார் அஹ்மத் 34 பந்துகளில் அரைசதம் கடந்து அசத்தினார். அவருடன் இணைந்த ஓடியன் ஸ்மித் தனது பங்கிற்கு 25 ரன்களைச் சேர்த்தார்.
இதன்மூலம் 20 ஓவர்கள் முடிவில் குயிட்டா கிளாடியேட்டர்ஸ் அணி 4 விக்கெட் இழப்பிற்கு 154 ரன்களைச் சேர்த்தது. இதில் அதிகபட்சமாக இஃப்திகார் அஹ்மத் 50 ரன்களைச் சேர்த்தார். பெஷாவர் அணி தரப்பில் உஸ்மான் காதிர் 3 விக்கெட்டுகளைக் கைப்பற்றினார்.
Win Big, Make Your Cricket Tales Now
