PSL 2023: லாகூர் கலந்தர்ஸை வீழ்த்தி கராச்சி கிங்ஸ் அபார வெற்றி!
லாகூர் கலந்தர்ஸ் அணிக்கெதிரான பிஎஸ்எல் லீக் ஆட்டத்தில் கராச்சி கிங்ஸ் அணி 67 ரன்கள் வித்தியாசத்தில் வெற்றிபெற்று அசத்தியது.
அதன்படி களமிறங்கிய கராச்சி கிங்ஸ் அணிக்கு மேத்யூ வேட் - ஜேம்ஸ் வின்ஸ் ஆகியோர் அதிரடியான தொடக்கத்தைக் கொடுத்தனர். பின் 36 ரன்களில் வேட் ஆட்டமிழக்க, மறுமுனையில் அரைசதம் அடிப்பார் என எதிர்பார்க்கப்பட்ட ஜேம்ஸ் வின்ஸ் 46 ரன்களில் ஆட்டமிழந்தார். இதையடுத்து களமிறங்கிய ஹைதர் அலி 18, சோயிப் மாலிக் 10 ரன்கள் என விக்கெட்டை இழந்தனர்.
Trending
பின்னர் களமிறங்கிய கேப்டன் இமாத் வாசிம் 19 பந்துகளில் 35 ரன்களையும், பென் கட்டிங் 20 ரன்களையும் சேர்த்தனர். இதன்மூலம் கராச்சி கிங்ஸ் அணி 20 ஓவர்கள் முடிவில் 5 விக்கெட் இழப்பிற்கு 185 ரன்களைச் சேர்த்தது.
இதையடுத்து இலக்கை நோக்கி களமிறங்கிய லாகூர் கலந்தர்ஸ் அணியில் ஃபகர் ஸமான் 15 ரன்னிலும், ஷாய் ஹோப் ஒரு ரன்னிலும் ஆட்டமிழந்து ஏமாற்றமளித்தனர். பின்னர் ஜோடி சேர்ந்த மிர்ஸா தாஹிர் - காம்ரன் குலாம் ஆகியோர் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர்.
பினர் அரைசதமடிப்பார் என எதிர்பார்க்கப்பட்ட மிர்ஸா தாஹிர் 45 ரன்னில் ஆட்டமிழக்க, காம்ரன் குலாம் 23 ரன்களிலும் விக்கெட்டை இழக்க, பின்னர் களமிறங்கிய வீரர்களும் எதிரணி பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர்.
இதனால் லாகூர் கலந்தர்ஸ் அணி 17.3 ஓவர்களில் அனைத்து விக்கெட்டுகளையும் இழந்து 118 ரன்களுக்கு ஆல் அவுட்டானது. கராச்சி கிக்ஸ் தரப்பில் அகிஃப் ஜாவெத் 4 விக்கெட்டுகளைக் கைப்பற்றினார். இதன்மூலம் கராச்சி கிங்ஸ் அணி 67 ரன்கள் வித்தியாசத்தில் லாகூர் கலந்தர்ஸ் அணியை வீழ்த்தியது.
Win Big, Make Your Cricket Tales Now
