PSL 2023: சதமடித்து மிரட்டிய மார்ட்டின் கப்தில்; சரிவை சமாளித்தது குயிட்டா கிளாடியேட்டர்ஸ்!
கராச்சி கிங்ஸுக்கு எதிரான பிஎஸ்எல் லீக் ஆட்டத்தில் முதலில் பேட்டிங் செய்த குயிட்டா கிளாடியேட்டர்ஸ் அணி மார்ட்டின் கப்திலின் அபாரமான சதத்தின் மூலம் 169 ரன்களை இலக்காக நிர்ணயித்தது.
அதன்படி கராச்சியிலுள்ள தேசிய கிரிக்கெட் மைதானத்தில் நடைபெறும் இப்போட்டியில் டாஸ் வென்றுள்ள கராச்சி கிங்ஸ் அணி முதலில் பந்துவீச தீர்மானித்தது. அதன்படி களமிறங்கிய குயிட்டா கிளாடியேட்டர்ஸ் அணியின் தொடக்க வீரர் ஜேசன் ராய் மற்றும் அப்துல் ஆகியோர் அடுத்தடுத்து முதல் ஓவரிலேயே விக்கெட்டை இழந்தனர். அதபின் களமிறங்கிய கேப்டன் சர்ஃபராஸ் அஹ்மத், உமர் அக்மல் ஆகியோர் அடுத்தடுத்து சொற்ப ரன்களில் விக்கெட்டை இழந்தனர்.
Trending
பின்னர் ஜோடி சேர்ந்த மார்ட்டின் கப்தில் - இஃப்திகார் அஹ்மத் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் மார்டின் கப்தில் அரைசதம் கடக்க, இஃப்திகார் அஹ்மத் 32 ரன்களோடு ஆட்டமிழந்து பெவிலியன் திரும்பினார்.
இருப்பினும் தொடர்ந்து அபார ஆட்டத்தை வெளிப்படுத்தி மார்ட்டின் கப்தில் 62 பந்துகளில் சதமடித்து அசத்தினார். இதில் இறுதிவரை ஆட்டமிழக்காமல் இருந்த மார்ட்டின் கப்தில் 67 பந்துகலில் 12 பவுண்டரி 5 சிக்சர்கள் என 117 ரன்களைக் குவித்தார்.
இதன்மூலம் குயிட்டா கிளாடியேட்டர்ஸ் அணி 20 ஓவர்கள் முடிவில் 7 விக்கெட் இழப்பிற்கு 168 ரன்களைச் சேர்த்தது. கராச்சி கிங்ஸ் தரப்பில் கேப்டம் இமாத் வாசீம், அமர் யமின் ஆகியோர் தலா 3 விக்கெட்டுகளைக் கைப்பற்றினர்.
Win Big, Make Your Cricket Tales Now
