பிஎஸ்எல் 2022: இஸ்லாமாபாத்தை வீழ்த்தியது கலந்தர்ஸ்!

பிஎஸ்எல் 2022: இஸ்லாமாபாத் யுனைடெட் அணிக்கெதிரான லீக் ஆட்டத்தில் லாகூர் கலந்தர்ஸ் அணி 66 ரன்கள் வித்தியாசத்தில் வெற்றிபெற்றது.

பாகிஸ்தான் சூப்பர் லீக் டி20 தொடரில் நேற்று நடைபெற்ற 27ஆவது லீக் ஆட்டத்தில் இஸ்லாமாபாத் யுனைடெட் - லாகூர் கலந்தர்ஸ் அணிகள் பலப்பரீட்சை நடத்தின. 

இப்போட்டியில் டாஸ் வென்று முதலில் பேட்டிங் செய்த லாகூர் கலந்தர்ஸ் அணி ஹாரி ப்ரூக்கின் அதிரடியான சதத்தின் மூலம் 20 ஓவர்கள் முடிவில் 6 விக்கெட்டுகளை இழந்து 197 ரன்களைச் சேர்த்தது. 

இதில் அதிகபட்சமாக ஹாரி ப்ரூக் 102 ரன்களையும், ஃபகர் ஸமான் 51 ரன்களையும் சேர்த்தனர். இஸ்லாமாபாத் அணி தரப்பில் ஃபஹீம் அஷரஃப் 3 விக்கெட்டுகளைக் கைப்பற்றினார்.

இதையடுத்து இலக்கை துரத்திய இஸ்லாமாபாத் அணியில் ரஹ்மனுல்லா குர்பாஸ், முபசிர் கான், முகமது வாசிம், லியாம் டௌசன், ஆசாம் கான் என அனைவரும் ஆட்டமிழந்து வெளியேறினர்.

அவர்களைத் தொடர்ந்து வந்த வீரர்களும் சொற்ப ரன்களில் ஆட்டமிழக்க, 20 ஓவர்களில் அந்த அணி 9 விக்கெட்டுகளை இழந்து 131 ரன்களை மட்டுமே எடுத்தது. 

இதன்மூலம் லாகூர் கலந்தர்ஸ் அணி 66 ரன்கள் வித்தியாசத்தில் இஸ்லாமாபாத் யுனைடெட் அணியை வீழ்த்தியது.