பிஎஸ்எல் 2022: கலந்தர்ஸிடம் வீழ்ந்தது சுல்தான்ஸ்!

பிஎஸ்எல் 2022: முல்தான் சுல்தான்ஸுக்கு எதிரான லீக் ஆட்டத்தில் லாகூர் கலந்தர்ஸ் அணி 52 ரன்கள் வித்தியாசத்தில் வெற்றிபெற்றது.

பாகிஸ்தான் சூப்பர் லீக் டி20 தொடரில் நேற்று நடைபெற்ற 17ஆவது லீக் ஆட்டத்தில் முல்தான் சுல்தான்ஸ் - லாகூர் கலந்தர்ஸ் அணிகள் பலப்பரீட்சை நடத்தின. 

இப்போட்டியில் முதலில் பேட்டிங் செய்த லாகூர் கலந்தர்ஸ் அணி ஃபகர் ஸமானின் அதிரடியான ஆட்டத்தினால் 20 ஓவர்கள் முடிவில் 4 விக்கெட்டுகளை இழந்து 182 ரன்களைச் சேர்த்தது. அதிகபட்சமாக ஃபகர் ஸமான் 60 ரன்களைச் சேர்த்தார்.

இதையடுத்து இலக்கை துரத்திய முல்தான் சுல்தான்ஸ் அணியில் ஷான் மசூத், முகமது ரிஸ்வான், சாகிக் மக்சூத், ரிலே ரொஸ்ஸோவ், டிம் டேவிட் என நட்சத்திர வீரர்கள் அடுத்தடுத்து சொற்ப ரன்களில் விக்கெட்டை இழந்தனர். 

இதனால் 19.3 ஓவர்களில் அந்த அணி அனைத்து விக்கெட்டுகளையும் இழந்து 130 ரன்களை மட்டுமே சேர்த்தது. சுல்தான்ஸ் அணி தரப்பில் ஸமான் கான் 3 விக்கெட்டுகளைக் கைப்பற்றினார். 

இதன்மூலம் லாகூர் கலந்தர்ஸ் அணி 52 ரன்கள் வித்தியாசத்தில் முல்தான் சுல்தான்ஸ் அணியை வீழ்த்தி வெற்றிபெற்றது.