டெவான் கான்வேவை க்ளீன் போல்டாக்கிய அஸ்வின்; வைரலாகும் காணொளி!
நியூசிலாந்து அணிக்கு எதிரான முதல் டெஸ்ட் போட்டியில் இந்திய அணி வீரர் ரவிச்சந்திரன் அஸ்வின் விக்கெட்டை வீழ்த்திய காணொளி வைரலாகி வருகிறது.
இந்தியா - நியூசிலாந்து அணிகளுக்கு இடையேயான முதல் டெஸ்ட் போட்டி பெங்களூருவில் உள்ள எம் சின்னசாமி கிரிக்கெட் மைதானத்தில் நடைபெற்று வருகிறது. இப்போட்டியின் முதல்நாள் ஆட்டமானது மழையால் முழுவதுமாக கைவிடப்பட்ட நிலையில், இன்று இரண்டாம் நாள் ஆட்டம் தொடங்கியது. அதன்படி இன்று தொடங்கிய ஆட்டத்தில் டாஸ் வென்ற இந்திய அணி முதலில் பேட்டிங் செய்வதாக அறிவித்தது.
அதன்படி களமிறங்கிய இந்திய அணியில் யஷஸ்வி ஜெய்ஸ்வால் 13 ரன்களையும், ரிஷப் பந்த் 20 ரன்களையும் சேர்த்ததைத் தவிர்த்து மற்ற வீரர்கள் அனைவரும் சொற்ப ரன்களுக்கு விக்கெட்டுகளை இழந்து பெவிலியன் திரும்பினர். இதனால் இந்திய அணி முதல் இன்னிங்ஸில் வெறும் 46 ரன்களை மட்டுமே எடுத்த நிலையில் ஆல் அவுட்டானது. நியூசிலாந்து தரப்பில் மேட் ஹென்றி 5 விக்கெட்டுகளையும், வில்லியம் ஓ ரூர்க் 4 விக்கெட்டுகளையும் கைப்பற்றினர்.
Trending
இதனையடுத்து முதல் இன்னிங்ஸைத் தொடங்கிய நியூசிலாந்து அணியிலும் கேப்டன் டாம் லதேம் 15 ரன்களுடன் தனது விக்கெட்டை இழந்தர். பின்னர் இணைந்த டெவான் கான்வே - வில் யங் இணை சிறப்பான ஆட்டத்தை வெளிப்படுத்தி ஸ்கோரை உயர்த்தினர். இதில் அரைசதம் கடந்து அசத்திய டெவான் கான்வே 91 ரன்கள் எடுத்திருந்த நிலையில் விக்கெட்டை இழந்து சதமடிக்கும் வாய்ப்பை தவறவிட்டார். அதேபோல் வில் யங்கும் 33 ரன்களில் ஆட்டமிழந்தார்.
பின்னர் இணைந்த ரச்சின் ரவீந்திரா மற்றும் டேரில் மிட்செல் இணை நிதான ஆட்டத்தை வெளிப்படுத்தியதுடன் அணியின் விக்கெட் இழப்பையும் தடுத்து நிறுத்தினர். இதன்மூலம் நியூசிலாந்து அணி இரண்டாம் நாள் ஆட்டநேர முடிவில் நியூசிலாந்து அணி 3 விக்கெட் இழப்பிற்கு 180 ரன்களைச் சேர்த்தது. நியூசிலாந்து அணி தரப்பில் ரச்சின் ரவீந்திரா 22 ரன்களையும், டேரில் மிட்செல் 14 ரன்களுடனும் களத்தில் உள்ளனர்.
Timber strike, ft. R Ashwin!
— BCCI (@BCCI) October 17, 2024
Match Updates https://t.co/8qhNBrrtDF#TeamIndia | #INDvNZ | @ashwinravi99 | @IDFCFIRSTBank pic.twitter.com/2T521mKJj8
Also Read: Funding To Save Test Cricket
இந்நிலையில் இப்போட்டியில் ரவிச்சந்திரன் அஸ்வின் விக்கெட்டை வீழ்த்திய காணொளி ஒன்று வைரலாகி வருகிறது. அதன்படி இப்போட்டியில் அதிரடியாக விளையாடி சதத்தை நெருங்கி வந்த டெவான் கான்வே, ரவிச்சந்திரன் அஸ்வின் பந்துவீச்சை சரியாக கணிக்க முடியாமல் க்ளீன் போல்டாகி பெவிலியனுக்கு திரும்பினார். இதனால் 91 ரன்களில் ஆட்டமிழந்த டெவான் கான்வே சதமடிக்கும் வாய்ப்பையும் தவறவிட்டார். இதுகுறித்த காணொளியானது ரசிகர்களின் கவனத்தை ஈர்த்துவருகிறது.
Win Big, Make Your Cricket Tales Now
