ஐசிசி டெஸ்ட் தரவரிசை: முதலிடத்தைப் பிடித்த ஜடேஜா!
ஐசிசி டெஸ்ட் ஆல் ரவுண்டர்கள் தரவரிசையில் இந்திய அணியின் நட்சத்திர வீரர் ரவீந்திர ஜடேஜா முதலிடத்தைப் பிடித்து அசத்தியுள்ளார்.
டெஸ்ட் ஆல் ரவுண்டர்கள் தரவரிசையில் வெஸ்ட் இண்டீஸ் வீரர் ஜேசன் ஹோல்டர் 28 புள்ளிகளை இழந்துள்ளார். இதன்மூலம், இந்தியாவின் ரவீந்திர ஜடேஜா 386 புள்ளிகளுடன் முதலிடத்துக்கு முன்னேறியுள்ளார். கடந்த ஆகஸ்ட் 2017-க்குப் பிறகு ஜடேஜா மீண்டும் முதலிடத்தைப் பிடித்துள்ளது குறிப்பிடத்தக்கது.
அதேபோல் டெஸ்ட் பேட்டிங் தரவரிசையில் தென் ஆப்பிரிக்க வீரர் குயிண்டன் டி காக் 18 மாதங்களுக்குப் பிறகு மீண்டும் முதல் 10 இடங்களுக்குள் நுழைந்து 10ஆவது இடத்தைப் பிடித்துள்ளார்.
டெஸ்ட் பந்து வீச்சாளர்கள் தவரிசையில் தென் ஆப்பிரிக்காவின் ககிசோ ரபாடா ஒரு இடம் முன்னேறி 6ஆவது இடத்தைப் பிடித்துள்ளார்.
Advertisement
Win Big, Make Your Cricket Tales Now
கிரிக்கெட்: Tamil Cricket News
