சயீத் முஷ்டாக் அலி: மகாராஷ்டிரா அணியின் கேப்டனாக கெய்க்வாட் நியமனம்!

சயீத் முஷ்டாக் அலி டி20 கோப்பை கிரிக்கெட் தொடரில் விளையாடவுள்ள மகாராஷ்டிரா அணியின் கேப்டனாக ருதுராஜ் கெய்க்வாட் நியமிக்கப்பட்டுள்ளார்.

சமீபத்தில் முடிவடைந்த ஐபிஎல் தொடரின் 14ஆவது சீசனில் சென்னை சூப்பர் கிங்ஸ் அணி 4ஆவது முறையாக சாம்பியன் பட்டத்தைக் கைப்பற்றி அசத்தியது. அதிலும் சென்னை அணியின் வெற்றிக்கு மிக முக்கிய வீரர்காக திகழ்தவர் ருதுராஜ் கெய்க்வாட். 

மேலும் நடப்பு ஐபிஎல் சீசனில் அதிக ரன்களை விளாசிய வீரருக்கான ஆரஞ்சு தொப்பியையும் அவர் கைப்பற்றி அசத்தினார். இந்நிலையில் அடுத்த மாதம் தொடங்கவுள்ள சயீத் முஷ்டாக் அலி டி20 தொடருக்கான மகாராஷ்டிரா அணி அறிவிக்கப்பட்டுள்ளது. 

அந்த அணியின் கேப்டனாக ருதுராஜ் கெய்க்வாட் நியுமிக்கப்பட்டுள்ளார். மேலும் அணியின் துணை கேப்டனாக பொறுப்பேற்க இருந்த ராகுல் திரிபாதி காயத்திலிருந்து முழுமையாக மீளாததால் நௌஷத் ஷேக்குக்கு அந்த வாய்ப்பு வழங்கப்பட்டுள்ளது.

இத்தொடரின் எலைட் குரூப் ஏ-வில் இடம் பெற்றிருக்கும் மகாராஷ்டிரா தனது லீக் ஆட்டங்களை லக்னோவில் விளையாடுகிறது. முதல் ஆட்டத்தில் தமிழகத்தை சந்திக்கிறது அந்த அணி.

அணி விவரம்: ருதுராஜ் கெய்க்வாட் (கேப்டன்), நௌஷத் ஷேக், கேதாா் ஜாதவ், யாஷ் நஹா், அஸிம் காஸி, ரஞ்சீத் நிகம், சத்யஜீத் பச்சாவ், தரன்ஜித்சிங் தில்லான், முகேஷ் சௌதரி, அக்ஷய் பால்கா், மனோஜ் இங்லே, பிரதீப் தாதே, ஷம்ஷுஸாமா காஸி, ஸ்வப்னில் ஃபல்பகா், திவ்யாங் ஹிங்கானேகா், சுனில் யாதவ், தன்ராஜ்சிங் பா்தேசி, ஸ்வப்னில் குகாலே, பவன் ஷா, ஜெகதீஷ் ஸோபே.

Win Big, Make Your Cricket Tales Now